ଟିକି ଝରଣା

ଟିକି ଝରଣା ଟି ବହି ଯାଉଅଛି

କୁଳୁକୁଳୁ ନାଦ କରି

ଇଂଗିତେ ଜଣାଇ ଦିଅଇ ମାନବେ

ହେବୁ କେବେ ମୋହ ସରି l

ମାନେନା ମୁଁ ବାଧା ବିଘ୍ନ ଅଛି ଯାହା

ସବୁକୁ ଏଡାଇ ଦେଇ

ଧାଉଁ ଅଛି ବେଗେ ମୋ ସ୍ୱାର୍ଥ ହାସଲେ

ସାଗରେ ମିଶିବା ପାଇଁ l

ବାଟେ ବାଟ ବଣା ବହୁତ ହୁଅଇ

ଲକ୍ଷ ପଥ ଭୁଲେ ନାହିଁ

ସୁଦୂର ପାହାଡ଼ୁ ଝରି ଝରି ମୁହିଁ

ନିମ୍ନ ଗାମୀ ହେଉ ଥାଇ l

ମାନବ ଜାତିକୁ ଅତୀବ ଉନ୍ନତ

କରି ଇଶ୍ଵର ଗଢିଲେ

ଅଙ୍କା ବଙ୍କା ରାସ୍ତା ଦେଖାଇ ତାହାଙ୍କୁ

ପଥରୁ ବିଚ୍ୟୁତ କଲେ l

ମାୟା ବସ ହୋଇ ମଣିଷ ଜାତିଟା

ଲକ୍ଷ୍ୟ ତାର ଭୁଲି ଯାଏ

ମୁଁ କରୁଛି ଓ ମୁଁ କରାଉଛି

ଏହି ଭାବନା ରେ ଥାଏ l

ମୋର ସ୍ବଚ୍ଛ ନିର ପାନ କରି କେତେ

ପଥିକ ଶୋଷ ମେଣ୍ଟାନ୍ତି

ବନେ ବନ୍ୟ ଜନ୍ତୁ ମୋତେ ପାନ କରି

ଆନନ୍ଦେ ବନ୍ୟେ ଭ୍ରମନ୍ତି l

ବହୁ ଘାତ ପ୍ରତିଘାତ ସହି ମୁହିଁ

କୁନି ଧାରେ ଗଡ଼ିଗଡି

ହାରି ଯାଏ ନାହିଁ କେବେ ବି ସପନେ

ସାଗରେ ନ ହେବି ଯୋଡି l

କୁନିକୁନି ପିଲା ମୋହ ଠାରୁ ଶିଖ

ହାର ମାନିବନି କେବେ

ଲକ୍ଷ ସ୍ଥଳୁ କେବେ ବିଚ୍ୟୁତ ହେବନି

ଯେତେ ଦିନ ଥିବ ଭବେ l