ଟିକି ଝରଣା

ଟିକି ଝରଣାରେ ଟିକି ଝରଣା

ଶବଦ ତୋହର କି ମନ ଜିଣା ।

ପରବ କନ୍ଦରୁ ତୋହର ଜାତ

କାନନ ରାଣୀର ତୁହି ପଣତ ।

ତୋ' ପାଇଁ ସୁନ୍ଦର ଏଇ ମରତ

ତୋ' ଶୀତଳ ଜଳ ମଧୁ ଅମୃତ ।

କାହିଁ କେତେ ଦୂର ତୁ ବୋହିଯାଉ

କେତେ ଜୀବଙ୍କର ତୃଷ୍ନା ମେଣ୍ଟାଉ।

ଏହି ସକାଶରେ ତୋ'ର ଜନମ

ତୋ ପାଖରେ ନାହିଁ ଜାତି ଧରମ ।

ସେ ଲାଗି ଝରଣା କୋଟି ସଲାମ 

ତେଣୁ ତୁ ପ୍ରାଣୀଙ୍କ ପରମ ପ୍ରେମ ।

ବୃକ୍ଷ ଲତା ରାଜି ତୋର ପରଶେ

ଦିଶନ୍ତି ସବୁଜ ସୁନ୍ଦର ବେଶେ ।

ନଦ ନଦୀ ନାଳ ଦେହରେ ଯାଇ

ମିଶୁ ସ୍ୱଚ୍ଛ ଜଳ ସମ୍ପଦ ବହି ।

ବିଧାତା ବିଶିଷ୍ଟ ଗୁଣଟି ଦେଇ

ଗଢିଛିରେ ତୋତେ ସଭିଙ୍କ ପାଇଁ ।

ଟିକି ଜୀବନେ ତୋ ବଡ଼ ପରାଣ

ସେଥିପାଇଁ ତୁହି କେଡେ ମହାନ ।

ଝରଣା ମାଳିନୀ ଭାରତ ମାଆ

ନଦନଦୀ ଯହିଁ ସୁନା ପାନିଆ ।

ଯାହା ନାହିଁ ଆମ ଭାରତ ଦେଶେ

ମିଳିବ କି କାହିଁ ଦୂର ବିଦେଶେ !