ସୁତୁରା ରହିଲେ ମିଳଇ ସୁଖ

   ସୁତୁରା ରହିଲେ ମିଳଇ ସୁଖ

   ରୋଗ ବେମାରୀଙ୍କ ନଥାଏ ଦକ ।

   ଏଠିସେଠି ଯିଏ କରେ ଅସନା

   ଭୋଗୁଥାଏ ସିଏ ରୋଗ ଯାତନା ।

   ଅସନା ଯାଗାରେ ରୁହନ୍ତି ମଶା

   ମାଛିମାନେ ସେଠି କରନ୍ତି ବସା ।

   ମଶା ମାଛି ମିଶି ଦିଅନ୍ତି ଦୁଃଖ

  ଲୁଟି ନିଅନ୍ତି ସେ ଆମରି ସୁଖ ।

  ଜନମନ୍ତି ସେଠି ରୋଗ ଜୀବଣୁ

  ରୋଗ ଭୋଗୁ ଆମେ ସଭିଏଁ ତେଣୁ ।

  ଚଉପାସ ଆମ ସଫା ରଖିବା

  ଜୀବାଣୁଙ୍କ ଘର ଉଜାଡି ଦେବା ।

  ଖାଲିପାଦେ ଜମା ଯିବାନି କାହିଁ

  ଏଠିସେଠି କିଛି ଖାଇବା ନାହିଁ ।

  ବାହାରକୁ ଗଲେ ମାକ୍ସ ପିନ୍ଧିବା

  ନାକ ପାଟି କୁ ତ ଘୋଡାଇ ଦେବା ।

  ବାହାରୁ ଆସିଲେ କରି ଯତନ

  ହାତକୁ ଧୋଇବା ଘଷି ସାବୁନ ।

  ଖାଇବା ଆଗରୁ ଧୋଇବା ହାତ

  ଦିନକୁ ଦିବେଳା ଘଷିବା ଦାନ୍ତ ।

  ବଢାଇ ଦେବାନି ହାତରେ ନଖ

  ନଖ ମୂଳେ ଜମେ ମଇଳା ଦେଖ ।

  ସୁସ୍ଥ ରହିବାର ଉପାୟ ଏହି

  ଅବହେଳା ଜମା କରିବା ନାହିଁ ।