STORYMIRROR

Amarnath Barick

Children

4.5  

Amarnath Barick

Children

କହିଲ ଦେଖି

କହିଲ ଦେଖି

1 min
18



ବାପାଙ୍କର ଯିଏ ଶଶୁର ହୋଇବ

ତୁମ ମାଆଙ୍କର ସେ ପୁଣି ବାପା !

କୁହ ପିଲେ ସିଏ ତୁମର କଅଣ

ଯିଏ ହେବ ତୁମ ମାଉସୀଙ୍କ ବାପା ?

(ଉ -: ଅଜା)


ମାମୁଁଙ୍କର ଅଛି ଗୋଟିଏ ଭଉଣୀ

ତୁମ ଆଈଙ୍କର ସେ ପୁଣି ଝିଅ !

କୁହ ପିଲେ ସିଏ ତୁମର କଅଣ

ଯିଏ ହେବ ତୁମ ଅଜାଙ୍କ ଝିଅ ?

(ଉ -: ମାଆ)


ତୁମ ମାଉସୀର ଭାଇ ହେବ ଯିଏ

ତୁମ ମାଆଙ୍କର ସେ ପୁଣି ଭାଇ !

କୁହ ପିଲେ ସିଏ ତୁମର କଅଣ

ଯିଏ ହେବ ତୁମ ମାମୁଁଙ୍କ ଭାଇ ?

(ଉ -: ମାମୁଁ)


ତୁମ ବାପାଙ୍କର ଯେ ହେବ ଭଉଣୀ

ତୁମ ଜେଜେଙ୍କର ସେ ହେବ ଝିଅ !

କୁହ ପିଲେ ସିଏ ତୁମର କଅଣ

ଜେଜେ ମାଆଙ୍କର ସେ ପୁଣି ଝିଅ ?

(ଉ -: ପିଉସୀ)


ତୁମ ମାଆଙ୍କର ଗୋଟେବୋଲି ପୁଅ

ଜେଜେ ମାଆଙ୍କର ପୁଅର ପୁଅ !

କୁହ ପିଲେ ସିଏ ତୁମର କଅଣ

ଯିଏ ହେବ ତୁମ ବାପାଙ୍କ ପୁଅ ?

(ଉ -: ନିଜେ)


ତୁମ ଅଜାଙ୍କର ଯେ ହେବ ନାତୁଣୀ 

ତୁମ ମାଆଙ୍କର କି ହେବ କୁହ ?

ତୁମର କ'ଣ କହି ପାରିବ କି 

ମାମୁଁଙ୍କ ଭାଣିଜୀ ଅଟେ ସେ ଝିଅ !

(ଉ-: ମା'ଙ୍କର ଝିଅ/ତୁମର ଭଉଣୀ)




Rate this content
Log in

Similar oriya poem from Children