ବାପା

ବାପା

ଅମରନାଥ ବାରିକ୍

ଖାଲି ପାଦରେ ଯାଆନ୍ତି ଚାଲି

ସବୁ କଥାକୁ ମନରୁ ଭୁଲି

କଣ୍ଟା ହେଉ କି ନିଆଁ,

ବରଷ ଯାକ ଖଣ୍ଡେ କପଡ଼ା

ନ ପଡ଼େ ତାଙ୍କ ନୂତନ ଲୋଡ଼ା

ଜୀବନ ମାଟି ଧୂଆଁ ।

ଆମ ଜୀବନ ସାକାର ପାଇଁ

ଝଡ଼ ବତାସ ମାନନ୍ତି ନାହିଁ

ଦେହ ପାଆ ନା ଡ଼ର,

ଭୋକରୁ ପେଟେ ନିଜେ ରୁହନ୍ତି

ଆମକୁ ଆଣି ଖୁଆଇ ଥାନ୍ତି

ଏହି ଦେବତା ମୋର ।

ଯେତେ ଭାଙ୍ଗିଲେ ଦାମୀ ଜିନିଷ

ତଥାପି ବାପା ମୋଡ଼ନ୍ତି ନିଶ

କୁହନ୍ତି ହଉ ହେଲା,

ଆଉ ଆଣିବି କାନ୍ଦନା ତୁହି

ଯେତେ ପଇସା ଲାଗୁରେ ସେହି

ବୋଉ ଯା' କହୁ ଭଲା ।

ଯେତେ ଲେଖିବି ବାପାଙ୍କ ପାଇଁ

ଅସରନ୍ତିର ଭଣ୍ଡାର ସେହି

ସରିବ କେତେ ଯୁଗ

ସେ ଥିବା ଯାଏଁ ମୁଁ ପରା ରାଜା

ତାଙ୍କରି ବିନା ମୁଁ ନୁହେଁ ଖୋଜା

ମୁଁ କେଉଁ ବନ ମୃଗ !

ଗ୍ରା/ପୋ-କୟାଁ, ଥା-ମଙ୍ଗଳପୁର, ଜି-ଯାଜପୁର

ଓଡ଼ିଶା, ପିନ୍ ନମ୍ବର - ୭୫୫୦୧୧

ଦୂରଭାଷା - ୯୫୪୦୩୦୮୦୯୫ (ନୂଆଦିଲ୍ଲୀ)