ଜଗା ଦର୍ଶନ

. ଜଗା ଦର୍ଶନ

        ଅମରନାଥ ବାରିକ୍

ଯାଇଥିଲି କାଲି ଶ୍ରୀମନ୍ଦିର ବୁଲି

ଦେଖିଲି ଜଗାର ହସ ଖିଲିଖିଲି

ପିନ୍ଧିଛି ଖଣ୍ଡୁଆ ନାଲିନାଲି

କରୁଣାର ବାରି ଢ଼ାଳିଦେବ ବୋଲି

ଭକତଙ୍କ ପାଇଁ ଦୁଇ ଭୂଜ ମେଲି

ଶୁଣୁଅଛି ଦୁଃଖ କାନ ଖୋଲି ।

ଚାରି ଦୁଆରକୁ ଦେଇଥିଲା ଖୋଲି

ଭବ୍ୟ ଦରଶନ କରିନେଲି ବୁଲି

ଖାଇଲି ଅବଢ଼ା ଭାତ ଡାଲି

ଅନ୍ତର ବେଦନା ଖୋଲି କହିଦେଲି

ମନ ପ୍ରାଣ ସବୁ ଜଗାକୁ ବିକିଲି

ଯାଇଥିଲି ବେଗେ ଚାଲିଚାଲି ।

ଦରଶନ ପାଇ ମୁକତି ଲଭିଲି

ଜୀବନର ମାନେ ସବୁ ବୁଝିଗଲି

ଜଞ୍ଜାଳରେ ମୋହ ମାୟା ଖାଲି

ପତିତ ପାବନ ବାନାକୁ ଚାହିଁଲି

ଜଗତର ଲାଗି ଦୀପଟେ ଜାଳିଲି

ଜଗତ ଉଦ୍ଧାର ହେଉ ବୋଲି ।

ବାଲି ସେହି ବାଲି ସରଧାର ବାଲି

କାଳିନ୍ଦୀ ତଟର ଅଟେ ସେହି ବାଲି 

ବୃନ୍ଦାବନ ବ୍ରଜ ପ୍ରୀତି ବାଲି

କସ୍ତୁରୀ ତିଳକ ଚନ୍ଦନ ବୋଳିଲି

କାଳିଆ ବଳିଆ ସୁଭଦ୍ରାଇ ଗେହ୍ଲି

ଭଉଣୀର ନାମ ଲେଖିଦେଲି ।

ଗ୍ରା/ପୋ-କୟାଁ, ଥା-ମଙ୍ଗଳପୁର, ଜି-ଯାଜପୁର

ଓଡ଼ିଶା, ପିନ୍ ନମ୍ବର - ୭୫୫୦୧୧

ଦୂରଭାଷା - ୯୫୪୦୩୦୮୦୯୫ (ନୂଆଦିଲ୍ଲୀ)