ସ୍ନାନଯାତ୍ରା

ସ୍ନାନଯାତ୍ରା

ଅମରନାଥ ବାରିକ୍

ସ୍ନାନ ମଣ୍ଡପରେ ଚତୁର୍ଦ୍ଧା ମୂରତି

ଦିଶୁଛନ୍ତି କେଡ଼େ ମନଲୋଭା ବେଶ

ଯା' ପାଦ ସେବନ୍ତି ପଣ୍ଡା ପରିହାରି

ସେହି ବ୍ରହ୍ମଦାରୁ ଉତ୍କଳ ନରେଶ ।

ଫୁଲଚୂଳ ଛତା ମୟୂର ଚନ୍ଦ୍ରିକା

ଘଣ୍ଟଘଣ୍ଟା ଶଙ୍ଖ କାହାଳୀ ବାଜାରେ

ରତନ ବେଦୀରୁ ସ୍ନାନ ମଣ୍ଡପକୁ

ଆସନ୍ତି ଠାକୁର ଭକତ ମେଳରେ ।

ଚନ୍ଦନ ପୂର୍ଣ୍ଣିମା ଠାରୁ ସ୍ନାନ ଯାଏଁ

ଶହେ ଆଠ କଳସରେ ଲୋଡ଼ା ପାଣି

ପବିତ୍ର ସୁବାସ ଜଳରେ ଦିଅଁଙ୍କୁ

ସ୍ନାନ ଯାତ୍ରା କରିଥାନ୍ତି ତେବେ ଆଣି  ।

ଏହି ଲୀଳାଖେଳା ପହଣ୍ଡି ଭୋଗରେ 

କାଇଁଚ ମାଳିରେ ସଜାନ୍ତି ଦଇତା

ତିନି ଠାକୁରଙ୍କ ତିନୋଟି ଟାହିଆ

ସୁଦର୍ଶନ ମହାପ୍ରଭୁଙ୍କୁ ପଇତା ।

କୃପାଦୃଷ୍ଟି ଢ଼ାଳି କରିବେ କଲ୍ୟାଣ

ଅଗତିର ଗତି ସେ ଦୁଃଖ ନାଶନ

ହରିନେବେ ଦୁଃଖ ଆଦ୍ୟ ଆଷାଢ଼ରେ

ରଥ ପାଇଁ ସଜ ପତିତ ପାବନ ।

କୟାଁ, ମଙ୍ଗଳପୁର, ଯାଜପୁର

ଦୂରଭାଷ ୯୫୪୦୩୦୮୦୯୫