ଲାଇବ୍ରେରୀ
ପ୍ରୋଫାଇଲ୍
ତଥାପି
ତଥାପି
1 min
340
କାଳେ କାଳେ ନାରୀଟିଏ
ଭାଗ ଭାଗ ହେବାର
ଭାଗ୍ୟ ଭୋଗୁଥାଏ
ନିରବରେ
ପରସ୍ତ ପରସ୍ତ
ପ୍ରଶ୍ନର ଇସ୍ତାହାରରେ
ଆକ୍ତାମାକ୍ତା ହୃଦୟଟିଏକୁ
ସଯତ୍ନେ ସମ୍ଭାଳୁଥାଏ
କେବେ ଦେବୀହେଇ
ପୂଜାପାଏ
ପୁଣି କେବେ ମାନବୀହେଇ
ମୁହୁର୍ମୁହୁ ଆତ୍ମାରେ ଆତ୍ମାରେ
ଧର୍ଷିତ ହେଉଥାଏ
କେବେ ପୁଣି ଲୁହ ପିଇ
କେବେ କୋହ ଢୋକି
କେତେନାକେତେ
ଦାୟ ସମ୍ଭାଳୁଥାଏ
କାଳିମାରେ
କଳା ମଚ୍ ମଚ୍ ହେବାପରେ
ଧାରେ ଶୂଭ୍ର ହସ ଆଙ୍କିବାର
ସଫଳ ଅଭିନୟରେ
ମୁହୂର୍ତ୍ତରୁ ମୁହୂର୍ତ୍ତ ଜଳୁଥାଏ
ନାରୀଟିଏ ସଭିଙ୍କର
ତା'ର କେହିବି ନଥାଏ ନିଜର
ତଥାପି , ତଥାପି
ନିତି ନିତି ମଉଳୁଥିବା ଫୁଲପାଖରେ
ନୂଆ ଆଶାର କଢଟିଏ
ପାଖୁଡା ମେଲୁଥାଏ ।
