ଭୋକିଲା ମଣିଷର ଶିକାର
ଭୋକିଲା ମଣିଷର ଶିକାର
ଭୋକ ସବୁବେଳେ ତୀବ୍ର
ସେ ମନର ହେଉ କି ଦେହର
ସେ ଉଦରର ହେଉ କି ହୃଦୟର
ଏଠି ଖାଦ୍ୟ ପାଇଁ ଭୋକ ପ୍ରବଳ
ଲାଳସା ପାଇଁ କୋଉ କମ୍ ଯେ
ସେ ଲାଳସା ଟଙ୍କାର , ରୂପର ,
କ୍ଷମତାର , ଆତ୍ମବଡିମାର
କେଉଁଠି ନୃଶଂସତାର ତ
ଆଉ କେଉଁଠି ପାଶବିକତାର
ସବୁଠି ତୀବ୍ରତା ଭୋକର
ନିସ୍ତାର ନାହିଁ କାହାର
ଭୋକିଲା ମଣିଷର
ଅବା
ଭୋକ ସମ୍ଭାଳିନେଉଥିବା ମଣିଷର
ଭୋକ ସମ୍ଭାଳିନେଉଥିବା ମଣିଷଟିଏ ବି
କେଉଁ ମୁହୂର୍ତ୍ତରେ ହେଇପାରେ
କେଉଁ ଭୋକିଲା ମଣିଷର ଶିକାର ।