ତରୁଣ

ଶୈଶବ ଗୋଧୁଳି ଯୌବନ ଉଷାରେ

ପ୍ରସ୍ଫୁଟିତ ସେ ତରୁଣ |

ଅତି କମନୀୟ ତରୁଣ ସମୟ

ହୃଦୟେ ଭାବର ଆନ୍ଦୋଳନ ||୧||

ତରୁଣ ପଲ୍ଲବ ନୂତନ ଯୌବନ

ବିଚିତ୍ର ଅପୂର୍ବ ସୃଷ୍ଟି |

ଉଷ୍ଣରକ୍ତର ପ୍ରବାହରେ ସତେ

ଭରି ଭରି ଥାଏ ଶକ୍ତି ||୨||

ଉନ୍ମାଦ ଭରା ମନବୀଣା ତନ୍ତ୍ରେ

ସପ୍ତରଙ୍ଗ ଖେଳୁଥାଏ |

ନୂତନ ଉଲ୍ଲାସ ରଙ୍ଗୀନ ସପନ

ହୃଦୟରେ ଉଙ୍କିଥାଏ ||୩||

ଫୁଲର ମହକ ପ୍ରକୃତି ସୌନ୍ଦର୍ଯ୍ୟ

କୋଇଲିର କୁହୁତାନ |

ମାନସ ପଟଳେ ଚିତ୍ର ଆଙ୍କିଦିଏ

ହଲ ଚଲ ହୁଏ ମନ |୪||

କୋମଳ ପାଦକୁ ଅଜଣା ପଥ ଏ

କରଇ ଚିତ୍ତକୁ ଚଞ୍ଚଳ |

ମାତା ପିତା ଗୁରୁ ହେଲେ ସହାୟକ

ଜୀବନ ହୁଏ ସରଳ ||୫||