ବର୍ଦ୍ଦୋଳିର ସର୍ଦ୍ଦାର

ବର୍ଦ୍ଦୋଳିର ସର୍ଦ୍ଦାର ଆହେ ଜାତି

   ଗଉରବ ଜାତି ଗରବ l

ଶାଣିତ ବାକ୍ୟ ଅତି ନିର୍ଭୀକ ତୁମେ

   ବଲ୍ଲଭ ଲୌହ ମାନବ ll

ବର୍ଦ୍ଦୋଳି ଠାରେ ଅର୍ଦ୍ଦଳି କଲ,ରୟତ

   ଚାଷୀଏ ଉଠିଲେ ମାତି l

ବ୍ରିଟିଶ ଶାସନ ନୁଆଇଁଲା ମଥା ,

  ତୁମକୁ ଝୁରେ ଆଜି ଏ ଜାତି ll

ଅହିଂସା ରଣେ ଭରସା ତୁମର

 ଗାନ୍ଧୀଙ୍କ ନୀତି ଗାନ୍ଧୀଙ୍କ ଭକ୍ତ ll

କୋମଳ ହୃଦୟ କଠୋର ବାକ୍ୟ,

 କଥାରେ ତୁମର ତାତଇ ରକ୍ତ ll

ତୁମର ବୀରତା ବୀରର ବାରତା,

  ଅଖଣ୍ଡ ଭାରତ ତୁମ କୀରତି l

କାଶ୍ମୀର ଠାରୁ, କନ୍ୟା କୁମାରୀ

ଏକଦେଶ ଆମେ ଏକଇ ଜାତି ll

ରାତିକ ମ

Advertisement

ଧ୍ୟରେ ହାତୀଏ ଜିଣିଲ,

 ଦେଶୀୟରାଜ୍ୟ କରି ମିଶ୍ରଣ l

ବାକ୍ୟ ବାଣରେ ଭାଙ୍ଗିଦେଲ ତୁମେ,

 ହାଇଦରାବାଦ ନିଜାମ ଟାଣ ll

ନୂତନ ଭାରତ ନିର୍ମାତା ତୁମ୍ଭେ

ଜାତି ତୁମ୍ଭ ପାଇଁ ଆଜି ଗର୍ବିତ l

ଭାରତ ମାଟିର ଲାଲ ତୁମେ ହେ 

 ମାତୃଭୂମିର ଯୋଗ୍ୟ ସୁତ ll

ତୁମେ ଜାତିର ସର୍ଦ୍ଦାର ଭାଈ ଟେକି 

   ଧରିଥିଲ ମୁର୍ଦ୍ଦାର ରାହା l

ଶ୍ରଦ୍ଧାରେ ଭାଈ ସର୍ଦ୍ଦାର ବୋଲି ଖେଦା

  ବାର୍ଦ୍ଦୋଳିର ଡାକିଲେ ମାଆ ll

ଆଜାଦ ନାୟକ ହେ ଭାରତ ରତ୍ନ,

 ତୁମେ ଅଟ ଭାରତର ଭୂଷଣ l

ଲୌହ ମାନବ ହେ ବଲ୍ଲଭ ଭାଈ,

ପଟେଲ କରୁଛି କୋଟି ନମନ ll

ପଟେଲ କରୁଛି କୋଟି ନମନ ll