ପ୍ରେମ
ପ୍ରେମ
ପ୍ରେମ ହିଁ ଅମୃତ ସତ୍ୟ ଓ ଶାଶ୍ଵତ
ପୂତ ପବିତ୍ର ସରସ
ପ୍ରେମ ବିହୁନରେ ଏ ମାୟା ସଂସାର
ବିଷବୃକ୍ଷର ସଦୃଶ |
ମାତାରଗର୍ଭରୁ ଶିଶୁପାଇଁ ପ୍ରେମ
ଅମୃତ ବାତ୍ସଲ୍ୟ ପ୍ରେମ
ଭ୍ରାତା ଓ ଭଗିନୀ ପିତାମାତା ବନ୍ଧୁ
ସେହି ପ୍ରେମ ଅନୁପମ |
ପ୍ରେମଫୁଲ ଫୁଟେ ଜୀବନର ସ୍ରୋତେ
ମନ ଖିଲିଖିଲି ହସେ
ନବୀନ ସୁମନ ବାସର ମହକେ
ମଧୁ ସମୟ ପରଶେ |
ପ୍ରୀତି ଫଗୁଣରେ କ୍ଷଣେ ପ୍ରତିକ୍ଷଣେ
ହୃଦୟେ ଭରେ ସ୍ପନ୍ଦନ
ପୁଲ୍ଲକିତ ମନ ଉନ୍ମାଦରେ ସତେ
ଧମନୀ ଧରା ଶ୍ରାବଣ |
ଚକୋର ଚକୋରୀ ପ୍ରେମ ଚିରନ୍ତନ
ମଧୁକର ପୁଷ୍ପ ସମ
ପ୍ରୀତି ପ୍ରତୀକ୍ଷାରେ ରାତ୍ରି ଉଜାଗର
ଶଶୀ କୁମୁଦିନୀ ପ୍ରେମ |