କରୋନା ସଚେତନତା
କରୋନା ସଚେତନତା
ଜାଗରେ ଜାଗରେ ଜାଗରେ ମାନବ
ଆସିଛି କରୋନା ମହାମାରୀ
ବିଶ୍ଵ ଧରାପୃଷ୍ଠେ କରାଳ ରୂପରେ
ସାଜିଛି ସେ କାଳଧାରୀ ।
ଶ୍ଵାସ ପ୍ରଶ୍ଵାସରେ ପ୍ରବାହିତ ବୋଲି
ମୁଖରେ ମୁଖାକୁ ବାନ୍ଧି
ଦୁଇ ଗଜଦୂର ବ୍ୟବଧାନେ ରୁହ
ମୁହୂର୍ତ୍ତ ଏ ଘଡିସନ୍ଧି ।
ଆୟୁର୍ବେଦୀୟ ଉପଚାରମାନ
ଆମ ସଂସ୍କୃତିର ସାଧନ
ନିତ୍ୟ ନିୟମିତ ନିୟମ ପାଳନେ
କର ରୋଗପ୍ରତିରୋଧ କାରଣ ।
ସ୍ଵଚ୍ଛତା ପାଳନେ ଆମ ଜାଗରଣ
ଜୀବାଣୁ ଶୋଧକ ଅବଲମ୍ବନ
ଯୋଗ ,ବ୍ୟାୟାମରେ ଗୃହମଧ୍ୟେ ରହି
କର ତୁମେ ଶୁଦ୍ଧ ଚିନ୍ତନ ।
ଟିକାକରଣର ଅବଲମ୍ବନରେ
କରିବା କରୋନା ଦମନ
ସୁସ୍ଥ ମାନବ ସମାଜ କଲ୍ୟାଣେ
ଆଜିର ଏ ଆବାହନ ।
କଳାତ୍ମକ କୁ ବିକସିତ କର
ଅନ୍ତର୍ମୁଖୀ ଭାବ ହୋଇ
ସକାରାତ୍ମକ ଚିନ୍ତନରେ ସବୁ
ଦୁର୍ଯୋଗ- ସୁଯୋଗ ହୁଅଇ ।