ନମୋ ଗଣେଶ ବିଘ୍ନେଶ

    

ନମାମି, ନମାମି ଆହେ ଦେବ ଗଣପତି l

ବିଦ୍ୟାଦାତା ଭଗବାନ ପ୍ରଭୁ ବିଦ୍ୟାପତି ll

ଏକ ଦନ୍ତ ମହାକାୟ ପ୍ରଭୋ ଲମ୍ବୋଦର l

ବିଦ୍ୟାର ବାରିଧି ପ୍ରଭୁ ବିଦ୍ୟାର ସାଗର ll 

କୋଟିସୂର୍ଯ୍ୟ ସମ ତେଜ ପ୍ରଭୁ ଗଣନାଥ l

ପାରବତୀ ମହାଦେବ ତୁମ୍ଭ ମାତ ତାତ ll

ନମୋ ନମଃ ଗଜାନନ, ମୂଷିକ ବାହନ l

ରିଦ୍ଧି, ସିଦ୍ଧି, ପତି ସିଦ୍ଧି ଦାତା ଭଗବାନ ll

ସର୍ବଦେବଙ୍କ ଅଗ୍ରତେ ପ୍ରଭୁ ତୁମ୍ଭେ ପୂଜ୍ୟ l

ବିଘ୍ନ ବିନାଶନ ନମୋ ନମଃ ବିଘ୍ନରାଜ ll

କଣ୍ଠେ ମୁକୁତାର ମାଳା ଉତ୍ତରୀ ପଇତା l

ପାଶାଙ୍କୁଶ ବେନି ହସ୍ତ, ସର୍ଵ ବିଘ୍ନହର୍ତ୍ତା ll

ମୋଦକପ୍ରିୟ ନମାମି ଆହେ ଗଣେଶ୍ୱର l

ହର ଅଜ୍ଞାନ ଅବିଦ୍ୟା ପ୍ରାର୍ଥନା ମୋହର ll

ଦୟାବଳେ ଗଜ ମୂର୍ଖ ବୋଲାଏ ପଣ୍ଡିତ l

ମୂକ ବାଚାଳ ହୁଅଇ, ସଂସାରେ ବିଦିତ ll 

ନମୋ ଗଣେଶ ବିଘ୍ନେଶ ଦିଅ ଶୁଭ ବୁଦ୍ଧି l

ନମାମି ନମାମି ପ୍ରଭୋ ବିଦ୍ୟାର ବାରିଧି ll