ଦୋଷ

କେତେ ଆଉ ନିଜେ ନିଜକୁ ଠକିବା

ପାଞ୍ଚ ଶହ ଟଙ୍କା ରେ ଭୋଟ ଦେଇ 

ଦୁର୍ନୀତି ବନ୍ଦ ପାଇଁ ବିକ୍ଷୋଭ କରିବା 

ଭୁଲ୍ ତ ଆମର ଦୋଷ କାହାକୁ ଲଦିବା... 

କାହାକୁ କହିବା, ଭୁଲ ଆମେ ତ କରିବା 

ଠିକ୍ ହେବା ପାଇଁ ଆଶା କାହାକୁ କରିବା 

ସଢିବା କୁ ଲୁଣ ଆମେ ତ ଢ଼ାଳିବା 

ସଢୁ ଥିଲେ ଦୋଷ କାହାକୁ ଲଦିବା .... 

କେହି ନୁହଁ କାହାର କେବେ ଯେ ବୁଝିବା 

ସ୍ଵାର୍ଥ ଲାଭେ ଆଜି ମିଠା କଥା କୁ ଶୁଣିବା 

ପର ଆଶ୍ରେ ବଞ୍ଚି ରହି ନିଜ ଗୋଡକୁ କାଟିବା 

ଚାଲି ନପାରିଲେ ଦୋଷ କାହାକୁ ଲଦିବା 

ନିରୀହ ଜନତା ବୋଲି ନିଜେ ତ ଭାବିବା 

ନିରୀହତା ର ବଳ ତାଙ୍କୁ କାହିଁକି ଯେ ଦେବା 

କାମ ହେବା ପାଇଁ ଗୋଡ ଧରି କି ବସିବା 

ଲାତ ଖାଇଲା ପରେ ଦୋଷ କାହାକୁ ଲଦିବା 

କେଜାଣି ଆମେ କେବେ ଯେ ବୁଝିବା

ଏହି ଦେଶ ଆଜି ଲୋକ ତନ୍ତ୍ର ବୋଲି 

ଆମେ ଚାହିଁଲେ ସବୁ ଠିକ୍ ଯେ କରିବା 

ଆମେ ନ ଚାହିଁକି ଦୋଷ କାହାକୁ ଲଦିବା