ତ୍ରିରଙ୍ଗା
ତ୍ରିରଙ୍ଗା
ତ୍ରିରଙ୍ଗା ଆମର ଜାତୀୟ ପତାକା
ଆମରି ଗର୍ବ, ଗୌରବ
ଫର ଫର ହୋଇ,ଶାନ୍ତି, ମୈତ୍ରୀ
ଏକତା ବାର୍ତ୍ତା ଗାଉଥିବ ।
ତିନି ରଙ୍ଗ ପାଇଁ ନାମ ତା ତ୍ରିରଙ୍ଗା
ରହିଅଛି ଜାଣ ଭାଇ
ପଚସ୍ତରୀ ବର୍ଷ, ସ୍ୱାଧୀନତା ପୁଣି
ଆମରି ଭାରତ ଭୂଇଁ ।
ଅଗଷ୍ଟ ପନ୍ଦର ତ୍ରିରଙ୍ଗା ଉଡାଇ
ଆନନ୍ଦ ମନରେ ସର୍ବେ
ଜାତୀୟ ସଂଗୀତ ଗାନ କରିବାରେ
ଛିଡା ହୋଇଣ ନୀରବେ ।
ଜାତୀୟ ସଂହତି ଜଗତ କଲ୍ୟାଣେ
ମନ ପ୍ରାଣ ଢାଳି ଦେବା
ସତ୍ୟ, ଅହିଂସାର ଯାତ୍ରୀ ହୋଇ ଆମେ
କର୍ତ୍ତବ୍ୟ, ଆମ କରିବା ।
ତ୍ରିରଙ୍ଗାର କେହି ଅପମାନ କଲେ
ବିରୋଧ ଆମେ କରିବା
ଭାରତୀୟ ବୋଲି ବିଶ୍ୱ ଇତିହାସେ
ଯଶ, କୀର୍ତ୍ତି ରଖିଯିବା ।