ତୋ ରୂପ ଡାହାଣା ମତେ କରିଲୁ ଗୋରୀ
ତୋ ରୂପ ଡାହାଣା ମତେ କରିଲୁ ଗୋରୀ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ତୋ ରୂପ ଡାହାଣା ମତେ କରିଲୁ ଗୋରୀ
ସଞ୍ଜରୁ ସକାଳ ମୋର ଯାଉଛି ସରି
...........ତୋ ରୂପ ଡାହାଣା ମତେ
କରିଲୁ ଗୋରୀ ! ୦ !
ହସର ଫୁଲକୁ ଏତେ ଆଣିଚୁ ମୁଠା
ପ୍ରେମର ସଉଦା ଲାଗି କରିଚୁ ଚିଠା
ଭାବିଲେ ଭାବନା କେତେ ହେଉଚି ଘାରି
...........ତୋ ରୂପ ଡାହାଣା ମତେ
କରିଲୁ ଗୋରୀ ! ୧ !
କଥାର କଣ୍ଢେଇ ନିଜେ ସାଜିଲୁ ବସି
ଖେଳୁଛି ଅନେକ ଥର ଦେଉଚୁ ଖୁସି
ସପନ ଆଖିକୁ ତୁ ଯେ ସାଜିଚୁ ପରୀ
...........ତୋ ରୂପ ଡାହାଣା ମତେ
କରିଲୁ ଗୋରୀ ! ୨ !
ଫଗୁଣ ରଙ୍ଗର ଫୁଲ ମହକ ଟାଣ
ବୁଝିଚୁ ବୁଝିବୁ ପୁଣି ମନର ରାଣ
ଆଡ଼େଇ ଦେବୁନି ମତେ ପ୍ରେମକୁ ମାରି
...........ତୋ ରୂପ ଡାହାଣା ମତେ
କରିଲୁ ଗୋରୀ ! ୩ !