ତନ୍ତ୍ର ମନ୍ତ୍ର

ଅଲୌକିକ ଶକ୍ତିର ପରକାଷ୍ଠା ଦେଖାଇ

ସାଧନା ବଳେ ଆସୁରିକ ଶକ୍ତି ପାଇ

ଗୋଟିଏ ଦୁଷ୍ଟ ବାବାଜୀ ତନ୍ତ୍ର ମନ୍ତ୍ର କରଇ

ହଜି ଯାଇଛି ତା'ର ଗୋଟିଏ ଯାଦୁକରୀ କାଠି

ଖୋଜୁଛି ତନ୍ତ୍ର ବଳେ ଧ୍ୟାନ ବଳରେ ସବୁଠି

କାଠି ଯାଇଛି ଲୁଚି କେଉଁ ବ୍ରହ୍ମାଣ୍ଡ ଭିତରେ

ବାବାଜୀ ବିଦ୍ୟାବଳେ ଏକଥା ଜାଣି ପାରେ

ଦିନ ପରେ ଦିନ ଗଡ଼ି ଚାଲିଲା ଏମିତି

କାଠି ବିନା ବାବାଜୀ ଶକ୍ତିହୀନ ହୋଇଯାଇଛି

ଶେଷରେ ଉପାୟଟେ ପାଞ୍ଚିଲା ତତ୍ପରେ

ଯୋଗ ବଳେ ଦୂତ ଭୂତ ସ୍ମରଣ କରିଛି 

ହୋମ ବଳେ ନିଆଁ ଜାଳି ହାଣ୍ଡିଟେ ଥୋଇଛି 

ଶହ ଶହ ଅଶରୀରି ସ୍ମରଣେ ଆସନ୍ତି ଉଡ଼ି 

ବନ୍ଦୀ କରି ମନ୍ତ୍ର ବଳେ ଦେଲା ଫାଶି କରି

ଯେ ଯାଏଁ ମୋର ଯାଦୁକରୀ ଶକ୍ତି ଫେରି ନ ଆସିଛି

ତୁମେ ସବୁ ବନ୍ଦୀ ହୋଇ ଖଟିବ ନିଇତି

ଭୟ ପାଇ ଅଶରୀରି ବାବାଜୀ ଚରଣ ସେବନ୍ତି

ବାବାଜୀ ଆଦେଶ ପାଇ ଯାଦୁକରୀ କାଠିକୁ ଖୋଜନ୍ତି।