ପାଏନ୍

 ବନ୍ଧ୍ କଁଟାର୍ ପାଏନ୍ ହେଲା ଗୁନ୍ଦାଲ

    ହେଲାଦିନୁ ମାଛ୍'ଚାଷ୍

କ୍ଷେତେ ବିଷ୍ ଦେଇ ଚାଷି ବୁପୁରା

     ପାଏନ୍'କେ କରୁଛେ ନାଶ୍ ।

କଲ୍ କାର୍'ଖାନାନୁ ବାହାରିଲା ପାଏନ୍

      ଛାଡ଼ି ଦଉଛୁ ନଏଦ୍'କେ

ବିକାଶ ନାଆଁଥି ବିନାଶ୍ କରୁଛୁ

       ଦୂଷିତ୍ କରୁଛୁ ପାଏନ୍'କେ ।

ଗଛ୍ କାଟିକରି ପଦା କରୁଛୁ

      ବିଗ୍'ଡ଼ି ଯାଉଛେ ପରିବେଶ

ଅଦିନେ ହେଲେଁ ବଢ଼ି ମର୍'ଡି

    ହାହାକାର୍ ହେସି ଦେଶ୍ ।

ପର୍'କୁତିର୍ ଦାନ୍ ପାଏନ୍ କେ 

        ଆମେ ନି ପାରୁଛୁ ଚିହ୍ନି

ସବୁ ପାଏନ୍'କେ ଦୂଷିତ୍ କରି

         ଇହାଦେ ପୁଉଛୁଁ ଘିନି ।

ପାଏନ୍ ବିନେ ଇ ଜୀବ ଜଗତ୍

     ଘାଏକେ ଜିବା ସର୍'କଟି

ପାଏନ୍ ଛଁଚି ରଖ ନି ହେଲେ ମର୍'ବ

    ଛାଡ଼ିଯିବା ସବୁ ଭୁର୍'କୁଟି ।

ପାନିର୍ ଦୁସ୍'ରା ନାଆଁଟା ପରାନ୍

      ପାଏନ୍ ଆମର୍ ଜୀବନ୍

ପାଏନ୍ ବଢ଼ି ହେଲେ ପାଏନ୍ ସରି ଗଲେଁ

     ଜୀବ୍ ଜଗତ୍ ହେବା ପତନ୍ ।