ପ୍ରେମର ଆଧାର
ପ୍ରେମର ଆଧାର
ଏଇ ବନଲତା ପାହାଡ଼ ଗହଣରେ
ତୁମ ସାଥେ ବସି
ଭବିଷ୍ୟତକୁ ଆକଳନ କରିବା ପ୍ରୟାସରେ
ତୁମ ସାଥେ ବସି
ଆଗାମୀ ଦିନର ଜୀବନର ସମୀକ୍ଷା କରୁ କରୁ
ଗୁନ୍ଥି ହୋଇଯାଏ ଅନେକ ଅସଜଡ଼ା ସ୍ମୃତି।
ଝରଣାଟିଏ ପରି ଲୋଟିଯାଏ କେତେବେଳେ
ତୁମ ବାହୁ ବନ୍ଧନରେ
ପକ୍ଷୀଟିଏ ପରି ବସାକୁ ଫେରିବା ଆଶା ନେଇ
ମନ ମୋର ମଜ୍ଜି ଯାଏ
ତୁମକୁ ହାତ ପାହାନ୍ତାରେ ପାଇ।
ଉପସ୍ଥିତି ପ୍ରକୃତି କୋଳରୁ
ଘେନି ଯାଏ ଉଭୟଙ୍କୁ
ଏକ ନୂଆ ପୃଥିବୀ ସନ୍ଧାନରେ
ଯେଉଁ ପୃଥିବୀର ଆଧାର ହିଁ ପ୍ରେମ !
ଖୋଜୁଥାଏ ଗୋଟିଏ ଛୋଟ ଆଶ୍ରା
ତୁମେ, ମୁଁ ଆଉ ଆମ ସ୍ୱପ୍ନକୁ
ବାସ୍ତବରେ ରୂପାୟିତ କରିବାକୁ ।