ଓମିକ୍ରନ

ମାଡ଼ିଆସେ କୋଭିଡ଼ିର ତୃତୀୟ ଲହର

ଓମିକ୍ରନ ନାମ ତାର ଅତି ଭୟଙ୍କର |

ପୂର୍ବାପେକ୍ଷା ଦ୍ରୁତବେଗେ ହୁଏ ସଂକ୍ରମଣ 

ସାରା ବାୟୁ ମଣ୍ଡଳକୁ କଲାଣି ଆଚ୍ଛନ୍ନ |

ଜାପାନରୁ ମେକ୍ସିକୋକୁ ବିସ୍ତାରିଛି କାୟା

ଘରେ ଘରେ ବ୍ୟାପିଲାଣି ତା ଅଦୃଶ୍ୟ ଛାୟା |

ଘାତକ ନହେଲେ ମଧ୍ୟ ଯନ୍ତ୍ରଣା ଦାୟକ

ମହାମାରୀ ଠାରୁ ଇଏ ମହା ମାରାତ୍ମକ |

ମଧୁମେହ ରକ୍ତଚାପ ହୃଦ ରୋଗୀ ପାଇଁ

ବିଷମ ଉତ୍କଟ ଚିନ୍ତା ଦେଉଛି ବଢ଼ାଇ |

ଅତିଷ୍ଠ ହେଲେଣି ନରେ ଓମିକ୍ରନ ଡରେ

କୋଭିଡି ନିୟମ ପାଳୁଛନ୍ତି ନିରନ୍ତରେ |

ନାସାବାସ ପରିଧାନ ବିଶୁଦ୍ଧିକରଣ

ଦୂରତ୍ୱ ରକ୍ଷଣ ସଭା ସମିତି ବର୍ଜନ |

ଦ୍ରୁତ ସଂକ୍ରମଣ ହେତୁ ଲାଗିଲାଣି ଭୟ

ଆଉ ନବ ରୂପେ ପୁଣି ହେବ ଅଭ୍ୟୁଦୟ |

ଛୋଟ ପିଲାଙ୍କୁ ଏ କରେ ତ୍ୱରା କବଳିତ

ନିରାକରଣେ ସର୍କାର ସତତ ଚେଷ୍ଟିତ |

ପନ୍ଦରୁ ଅଠର ପିଲା ଟୀକା କରଣର 

ବୟସ୍କ ପାଇଁ ବ୍ୟବସ୍ଥା ଡୋଜ ବୁଷ୍ଟରର |

କୋଭିଡି ଯୋଦ୍ଧାଏ ହୋଇଛନ୍ତି ନିୟୋଜନ

ଅଙ୍ଗନବାଡି କର୍ମୀଠୁ ଡାକ୍ତର ସର୍ଜନ |

ବିଶ୍ୱ ଅର୍ଥନୀତି ହୋଇଲାଣି ବିପର୍ଯ୍ୟସ୍ତ

ଜଣାଯାଏ ମାନବ ସଭ୍ୟତା ହେବ ଧ୍ୱସ୍ତ |

ବେଳ ଥାଉଁ ବନ୍ଧ ବାନ୍ଧ ବିଜ୍ଞାନୀ ମାନବ

କର ପାଦପ ରୋପଣ ବନ ମହୋତ୍ସବ |

ଭୌତିକ ପ୍ରଗତି ଛାଡ଼ି ଆଧ୍ୟାତ୍ମିକ ପଥ

ଧର,ଜୀବେ ଦୟା ହେଉ ଜୀବନର ବ୍ରତ |