କଥାଟିଏ ପଚାରିବି
କଥାଟିଏ ପଚାରିବି
କଥାଟିଏ ପଚାରିବି ।
ମୋ ପିଛା ଛାଡୁ ନଥିବା ,
ଛାଇ କୁ ଦେଖି ମୁଁ କହିଲି,"କଥାଟିଏ ପଚାରିବି ?"
" ହଁ ପଚାର "।
" ମୁଁ ଯୁଆଡେ ଯାଉଛି , ମୋ ସାଙ୍ଗରେ ଗୋଡ଼ଉଛୁ କାହିଁକି ?"
ସେ କହିଲା , " ତୋତେ ଚେତେଇ ଦେବାକୁ ଚାହୁଁଛି ତୁ ଦିନେ ଛାଇ ହୋଇ ଯିବୁ।"
"କେବେ ?
"ଯେତେବେଳେ ହେଲେବି । ସେତେବେଳେ ମୁଁ ଥିବି; ତୁ ନଥିବୁ "
ବହନ୍ତା ନଦୀ କୁ ଦେଖି ମୁଁ କହିଲି," କଥାଟିଏ ପଚାରିବି?"
"ଠିକ୍ ଅଛି ପଚାର "
"ଅବିଶ୍ରାନ୍ତ ଭାବରେ ଦୌଡଛ କାହିଁକି ?"
"ସେ କହିଲା , ଜାଣିନୁକି , ମୋ ନାଁ ନଈ, ମୋ ଯିବି ଆଗକୁ ବହି । ସାଗରେ ପଡ଼ିବି ଯାଇ । ତୁ କର ନିରୀକ୍ଷଣ ନିଃଶବ୍ଦେ ଜୀବନସ୍ରୋତ ଧାଉଁଛି କିପରି ଭେଟିବାକୁ ମୃତ୍ୟୁ ସିନ୍ଧୁ କରାଳ ଲହରୀ ।"
ଦିନେ ପଚାରିଲି ଭଅଁର କୁ " ତୁ କିମ୍ପା ସବୁବେଳେ ଗୁଣୁ ଗୁଣୁ ହେଉଛୁ କାହିଁକି
?"
ସେ କହିଲା," ମୋ ନାଁ ମଧୁପ । ଫୁଲ ସହ ମିତ ବସେଇବା ପାଇଁ , ମଧୁ ଟାଣିବା ପାଇଁ ମୁଁ ଗୀତ ଗାଉଛି "।
ଦିନେ ଫଳ କୁ ପଚାରିଲି, " ହାତ ବଢେଇଲେ ଧରା ଦଉନୁ ଯେ?"।
ସେ କହିଲା"ଫଳ ପ୍ରାପ୍ତି ଏତେ ସହଜ ନୁହେଁ "।
ଦିନେ ସମୀର କୁ ପଚାରିଲି," ତୁ ମଳୟ ହେବୁ କେବେ ?"
ସେ କହିଲା," ମୋ ସମୟ ଆସିଲେ। ଅବଶ୍ୟ, ଏ ସନ ତା'ର ଆସିବାର ବିଳମ୍ବ ହେବ । ବର୍ଷା ତ ସବୁଜ ସଙ୍କେତ ଦେଉନି "।
ଭାବିଲି ," ମଣିଷ ତ କୁ ପ୍ରକୃତି କୁ ସହଯୋଗ କରୁନି ; କିଛି ଶିଖିନି ତା ଠାରୁ ; ସିଏ ଆନମନା ହେବ ହିଁ ହେବ "।