ତମେ

" *ସକଳେ ଡାକନ୍ତି ତମେ ତମେ ବୋଲି*

*ସେ ତମେ ର ମୂଲ୍ୟ ନାହିଁ*

*ତମେ ଯେବେ ମୋତେ ତମେ ବୋଲି କୁହ*

*ଏତେ ମିଠା ଲାଗେ କାହିଁ ?*"

(ଧୂପ-ମାୟାଧର ମାନସିଂହ)

ତୁମରି ଅଧର ସ୍ପର୍ଶ ପାଇ ସେଇ 

ତମେ ଲାଗେ ମଧୁଝରା

ସେ ମଧୁ ପାନରେ ମିଳେ ଯେଉଁ ସୁଖ

ମନ ହୁଏ ଆତ୍ମହରା।

ତମ ଆତ୍ମୀୟତା ମନପ୍ରାଣେ ମୋର

ଭରିଦେଇଛି ଯା' ସୁଖ

ସେଇ ସୁଖଟିକ ଛଡ଼ାଇ ନେବନି 

ନ ହେବ ମୋ ଠୁ ବିମୁଖ।

ତମେ ଖାଲି ତମେ ମୋହରି କାମନା

ନ ଲୋଡ଼େ ଆନ ପ୍ରାଚୂର୍ଯ୍ୟ

ଅପେକ୍ଷାରେ ଥିବି ତମ ପ୍ରେମ ପାଇଁ

ମନେ ବାନ୍ଧି ମୋର ଧୈର୍ଯ୍ୟ।

ତମକୁ ତମଠୁ ଚୋରାଇ ନେବି ମୁଁ 

ପୀରତି ମଧୁ ଚଖାଇ

ତମେ ବି କହିବ ତମବିନୁ ପ୍ରିୟ

କ୍ଷଣେ ରହି ନ ପାରଇ।