ଥୁଣ୍ଟା ଗଛ

ରାସ୍ତା କଡ଼ର ଗଛ

କିଏ ଦେଖେ କିଏ ପଚାରେ

ଗ୍ରୀଷ୍ମର ଦୁର୍ଦ୍ଦମନୀୟ ଉତ୍ତାପର

ଅସହ୍ୟ ଜଳନ

ବର୍ଷାର ଅବିଶ୍ରାନ୍ତ ଜଳଧାରାରେ

ଅତ୍ୟଧିକ ସ୍ନାହାନ

ଶରତର ଧବଳ ମେଘ ରାଶିରେ

ନିଜର କାୟା ବିସ୍ତାର

ହେମନ୍ତର ମୁକ୍ତା ନିଭ ନିହାରରେ

ଫୁଲର ମଣ୍ଡଣି

ଶୀତର ପ୍ରଚଣ୍ଡ ସୈତ୍ୟ ସାଙ୍ଗକୁ

ଜୀର୍ଣ୍ଣ ଶୀର୍ଣ୍ଣ ଶରୀର

ବସନ୍ତର ମଳୟ ବାୟୁର ହିଲ୍ଲୋଳେ

ପୀରତୀର ରସ ହାସ ଉଲ୍ଲାସେ

ଷଡ ଋତୁର ଆବିର୍ଭାବ ଅନ୍ତର୍ଦ୍ଧାନ

ଏହାରି ଭିତରେ ଜୀବନର

ବାନପ୍ରସ୍ଥ,ବ୍ରହ୍ମଚର୍ଯ୍ୟ, ଗ୍ରାହସ୍ଥ ଗଲାଣି

ଏବେ ମୁଁ ନିସ୍ବ ସନ୍ୟାସ

ଥୁଣ୍ଟା ଗଛ ହଁ ଥୁଣ୍ଟା ଗଛ

ଫଳ ପୁଷ୍ପ ପତ୍ର ହୀନ ଶ୍ରୀହୀନ

ଶାଖା ପ୍ରଶାଖା ତୋଳି ରହିଛି

ତୁମ ମହାର୍ଘ୍ୟକୁ.....।