ଲାଇବ୍ରେରୀ
ପ୍ରୋଫାଇଲ୍
କହକହ ସଖି କହ
କହକହ ସଖି କହ
1 min
247
ପ୍ରେମ ମୋର କେବେ ଦୀପ ପରି
କେବେ ଧୂପ ପରି ବାସେ ମହମହ
ପ୍ରେମ ମୋର ପରା କୋଣାରକ
ଶିଳାଲିପିରେ ନର୍ତ୍ତକୀ ପାଦର ଘୁଙ୍ଗୁର
ବାଜେ ଯାହା ଅହରହ
ଦୀପ ହୋଇ ଜଳେ ଅବା କେତେ ଜାଳେ
ବାସ୍ନା ତାର ମହମହ
କିଏ ପରଦେଶୀ କିଏ ସେ ବିଦେଶୀ
କହେ ଟିକେ ରହରହ
ଜୀବନ ଗୀତିର ପ୍ରତିଟି ପ୍ରୀତିର
ବେସୁରା ରାଗିଣୀ ଝଙ୍କାର ତୋଳେ
ସେଇ ଅତୀତର ସଞ୍ଜ ସୁପାତି ବେଳେ
ଅନୁରାଗେ କହେ କିଏ କହକହ
ବଉଳ ପାଟର ବକୁଳ ତମାଳ
ବାସ୍ନା ଭରା ସେଇ ମୋହ
ଆଜିବି କହୁଛି ପଣତରେ ପରା
ଲାଗିଛି କେତେ ସ୍ନେହ ମୋହ କୋହ
ପ୍ରେମ ତ ଫଲଗୁ ହୋଲିର ଅବୀର
କିଏ ନଜାଣିଛି କହ
କହ କହ ସଖି କହ
ରାଧା ପ୍ରେମ ସ୍ମୃତି ଆକାଶର ମଲାଜହ୍ନ
ଆପଣାପଣରେ କାହ୍ନୁ ବିରହର କଳାଜହ୍ନ
ଚନ୍ଦନ ସିନ୍ଦୁର ଅଗରୁ ବାସରେ ଚହଚହ l
