ଥକିବନି କବି କଲମ ମୂନ
ଥକିବନି କବି କଲମ ମୂନ
କବିଙ୍କ କଲମ ସମ୍ଭାବନାମୟ
ସାହିତ୍ୟ ଜୀବନ ଉତ୍ସ
ପବିତ୍ର ଜାହ୍ନବୀ ନଦୀ ସ୍ରୋତସ୍ୱନୀ
ପ୍ରବହେ ସଲୀଳ ସ୍ୱଚ୍ଛ ।
ତ୍ରିଦୋଷ ତ୍ରିକାଳ କଳ୍ମୁଷ ଦୂଷଣ
କରଇ ଅବଶୋଷଣ
ତୀର ଉପକୂଳ ହସେ ଫୁଲଫଳେ
ଉନ୍ମେଷେ ଜୀବନ ପ୍ରାଣ ।
ସତ୍ୟ ସୁସଙ୍କଳ୍ପେ ହୁଏ ଅଗ୍ରସର
ବନ୍ଧୁର ପ୍ରସ୍ତର ଭେଦି
ଜ୍ଞାନର ଅନନ୍ତ ପାରାବାର ଛୁଏଁ
ଉଦ୍ଭବେ ଜୀବନୀ ଶକ୍ତି ।
ସବୁଜ ସୁନ୍ଦର ଜୀବନ ଆଧାର
ସୃଷ୍ଟିର ଆଦି ଓମ୍ କାର
ସୃଜଇ ବିଜ୍ଞାନ କବିର କଲମ
ଦର୍ଶନ ଓ ବେଦଶାସ୍ତ୍ର ।
ଥକିପଡେ ନାହିଁ କଲମର ମୂନ
ଶତବାଧା ପ୍ରତିବନ୍ଧେ
ବଲମ ଠାରୁ ବି ହୋଇ ଶକ୍ତିଶାଳୀ
ଦୁର୍ଗତିର ବକ୍ଷଚ୍ଛେଦେ ।
ଥକି ନାହିଁ କେବେ ଥକିଯିବ ନାହିଁ
କବିର କଲମ ମୂନ
ଚିରି ଅନ୍ଧକାର ବୁଣିବ ଆଲୋକ
ସଙ୍କଳ୍ପ ସତ୍ୟ ସନ୍ଧାନ ।