ଇଙ୍କିଡି ମିଙ୍କିଡି
ଇଙ୍କିଡି ମିଙ୍କିଡି
ପିଲାଦିନ ପିଲା ମେଳେ ଖେଳୁ ଥିଲୁ ଖେଳ
ଇଙ୍କିଡି ମିଙ୍କିଡି ଯହିଁ ଭରା କୌତୁହଳ ।
ପିଲା ଛୁଆ ସାଥେ ହସ ରସ ଭାବ ଘେନି
କେତେ ମଜା ଲାଗେ ଖେଳ ଇଙ୍କିଡି ମିଙ୍କିଡି ।
ସମୟ ସହିତ ଏବେ ହୋଇ ଲାଣି ଲୁପ୍ତ
ଆଜିର ଏ ଆଧୁନିକ ସମସ୍ୟା ଜଡିତ ।
ସଞ୍ଜ, ସକାଳ ରେ ପୂର୍ବ କାଳେ ଖେଳୁ ଥିଲୁ
କଥା କହି ଗୀତ ଗାଇ କେତେ ଖୁସି ଥିଲୁ ।
କିନ୍ତୁ ଏବେ ଆଉ କିଛି ଦିନ ପରେ ତାହା
ସତେ କିବା ଲୋପ ପାଇ ଗଲା ଚିର ଆହା ।
ଇଙ୍କିଡି ମିଙ୍କିଡି ଧାଇଁ ଘିଡି ଘିଡି ଖେଳ
ଖେଳୁ ଥିଲେ ଘରେ ଶିଶୁଏ ହୋଇଣ ମେଳ ।
ଭାଇ ଭଉଣୀ ଏ ଇଙ୍କିଡି ମିଙ୍କିଡି ଖେଳି
ଆହା କି ଆଗ୍ରହ ପ୍ରଦର୍ଶନ ଥାନ୍ତି କରି ।