ନୂଆଖାଇ

ନାଚିବା ପୁଣି ଗାଇବା ପୁଣି

ଆମେ ଏକାଠି ହୋଇ

ବରଷେ ପରେ ଆସିଛି ପରା

ପରବ ନୂଆଖାଇ ।

ସାମାଜିକ ଓ କୃଷିଭିତ୍ତିକ

ପରବ ପରା ଏହି

ଭାଦ୍ରବମାସ ଶୁକ୍ଳପକ୍ଷରେ

ପଞ୍ଚମୀରେ ପଡ଼ଇ ।

ସ୍ତ୍ରୀଲୋକ ଓ ବାଳିକାମାନେ

ଘର ଦୁଆର ଧୋଇ

ନୂଆଖାଇରେ ଝୋଟିରେ ଘର

ଦେଇଥା'ନ୍ତି ସଜେଇ ।

ବର୍ଷର ନୂଆ ଚୂଡ଼ା ଓ ଧାନ

ମାଆଙ୍କୁ ଭୋଗ ଲଗେଇ

ନୂଆ ଅନ୍ନକୁ ଖାଆନ୍ତି ବୋଲି

ନାମ ଯେ ନୂଆଖାଇ ।

ନୂଆ ପୋଷାକ ପିନ୍ଧି ପିଲାଏ

ବୁଲି ପଡ଼ିଶା ଘର

ଗୁରୁଜନଙ୍କୁ ହୁଅନ୍ତି ପରା

ନୂଆଖାଇ ଜୁହାର ।

ବସୁମତୀଙ୍କୁ ନୂଆଖାଇରେ

କୃତଜ୍ଞତା ଜଣାଉ

ପ୍ରାର୍ଥନା କରୁ ସଂସାରୁ ଅନ୍ନ

ଅଭାବ ଦୂର ହେଉ ।

ନିଜ ନିଜର ଭିତରେ ଥିବା

ହିଂସା ଭାବ ଦୂରେଇ

ଘୁମୁରା ନାଚ ସଂକୀର୍ତ୍ତନରେ

ଦେଉ ନିଜକୁ ହଜେଇ ।

ଅତି ନିକଟେ ଗଜାନନଙ୍କ

ପୂଜା ଆସୁଛି ଭାଇ

ଗଣେଶ ପୂଜା ପରଦିନହିଁ

ପାଳିବା ନୂଆଖାଇ ।