ତାଙ୍କ ପରି କେ ନାହିଁ
ତାଙ୍କ ପରି କେ ନାହିଁ
ଅହିଂସା ନୀତି ଯା' ଚିର ସାଥୀ
ହାତରେ ଯା'ର ବାଡ଼ି
ଧରନ୍ତି ଗୀତା ଜାତିର ପିତା
ଅଣ୍ଟାରେ ଝୁଲେ ଘଡ଼ି ।
ଶାନ୍ତ ସରଳ ହୃଦ କୋମଳ
ଅଟନ୍ତି ଦୃଢ଼ମନା
କରନ୍ତି କାମ ଅତି ଉତ୍ତମ
ଦେଶର ପାଇଁ ସିନା ।
ତାଙ୍କରି ଡାକେ ଜାଗିଲେ ଲୋକେ
ଦେଶପ୍ରେମକୁ ଭରି
ସତ୍ୟର ପଥେ ଗଲେ ସମସ୍ତେ
ଅହିଂସା ଅସ୍ତ୍ର ଧରି ।
ଫିରିଙ୍ଗି ବଳ ହେଲା ଦୁର୍ବଳ
ଦେଖି ଭାରତ ଶକ୍ତି
ଭାରତ ଛାଡ଼ି ଗଲେ ସେ ଉଡ଼ି
ପାଇଲୁ ଆମେ ମୁକ୍ତି ।
ଜନମ ଦିନେ ପକାଉ ମନେ
ତାଙ୍କ ପରି କେ ନାହିଁ
ନିଜ କାମକୁ ନିଜେ କରିବା
ଯାଇଛନ୍ତି ସେ କହି ।