ଫୁଲ ପରି ମୁଁ ହେବି
ଫୁଲ ପରି ମୁଁ ହେବି
ଟିକି ଫୁଲଟେ ସୁନ୍ଦର ଦିଶେ
ବାସଇ ମହମହ
ତାଆରି ପରି ଏତେ ସରଳ
ଆଉ କେ ଅଛି କହ
ଫୁଲ ପରି ମୁଁ ହେବି
ଖରା ବରଷା ଶୀତ କାକର
ବାସନା ବିଞ୍ଚୁଥିବି ।
ପାଦପ ଦିଏ ଫଳ, କୁସୁମ,
ଥଣ୍ଡା ପବନ, ଛାଇ
ପରିବେଶକୁ ସୁରକ୍ଷା କରେ
ଅମଳଜାନ ଦେଇ
ଗଛ ପରି ମୁଁ ହେବି
ସୁଖଦୁଃଖରେ ପର ସେବାରେ
ଜୀବନ ଢାଳିଦେବି ।
ଛୋଟ ସଳିତା ନିଜେ ଜଳି କି
ଅନ୍ଧାର ଦୂର କରେ
ଛୋଟ ଝରଣା ଜଳ ଦାନରେ
ଶୋଷିଲା ଶୋଷ ହରେ
ସଳିତା,ଝର ହେବି
ଅମା ଅନ୍ଧାର, ଶୋଷିଲା ପଣ
ସବୁ ଦୂରେଇ ଦେବି ।