ସ୍ୱାଧୀନତା

ଅଗଷ୍ଟ ପନ୍ଦର ଆସିଅଛି ଆଜିଧରି ସ୍ୱାଧୀନତା ରେଳ

ଦୁଃଖ ଭୁଲିବାର ଦୁର୍ଲଭ ମୁହୂର୍ତ୍ତସପନ ସାଉଁଟା ବେଳ ।

ସ୍ୱାଧୀନ ଆକାଶେ ସ୍ୱାଧୀନତା ସୂର୍ଯ୍ୟ ସୁନେଲି କିରଣ ବୁଣି

ବୀର ସହିଦଙ୍କ ବୀରତ୍ୱର ଗାଥା କହିଯାଏ କାନେ ପୁଣି ।

ବିଦେଶୀ ଶାସନ ନାହିଁ ଆଉ ଦେଶେ ଆମେ ଆମ ସରକାର

ଆଗେଇ ଚାଲିବା ଶାନ୍ତି, ମୈତ୍ରୀ, ପ୍ରୀତି ଆପଣେଇ ପରସ୍ପର ।

ଜାତି, ବର୍ଣ୍ଣ, ଧର୍ମ, ଭାଷା ଭୁଲିଯାଇଏକତା ରଜ୍ଜୁରେ ବାନ୍ଧି

ପ୍ରଗତି ରଥକୁ ଟାଣି ନେଇଯିବା ଦେଶପ୍ରେମ ମନ୍ତ୍ରେ ଫାନ୍ଦି ।

ଜାତିର ଗୌରବ ତ୍ରିରଙ୍ଗା ପତାକା ଉଡ଼ୁଥିବ ଫରଫର

ସେହି ପତାକାକୁ କରେ ପ୍ରଣିପାତ ହସୁଥାଉ ନିରନ୍ତର ।