ସର୍ବପଲ୍ଲୀ ରାଧାକୃଷ୍ଣ
ସର୍ବପଲ୍ଲୀ ରାଧାକୃଷ୍ଣ
ନାମ ସର୍ବପଲ୍ଲୀ ରାଧାକୃଷ୍ଣ
ପାଇଥିଲେ ପିଲାଦିନେ କଷ୍ଟ
ଆଧୁନିକ ଆନ୍ଧ୍ର ତିରୁଭାନୀ ଗାଆଁ
ଥିଲା ତାହାଙ୍କର ଜନ୍ମପୀଠ ॥
ବୀରସ୍ୱାମୀ ଥିଲେ ତାଙ୍କ ପିତା
ନ ଥିଲା ଆର୍ଥିକ ସ୍ୱଚ୍ଛଳତା
ପଢିଥିଲେ ପାଠ ବହୁତ କଷ୍ଟରେ
ହୋଇଥିଲେ ସେ ଜଗତଜିତା ॥
ଦର୍ଶନ ଶାସ୍ତ୍ରର ଦାର୍ଶନିକ
ହେଲେ ସେ କଲେଜ ଅଧ୍ୟାପକ
ପାଉଥିଲେ ଭଲ ଛାତ୍ର, ସହକର୍ମୀ,
ଅନେକ କଲେଜ କର୍ତ୍ତୃପକ୍ଷ ॥
ହେଲେ ପ୍ରଫେସର ,କୁଳପତି,
ରାଷ୍ଟ୍ରଦୂତ, ଉପରାଷ୍ଟ୍ରପତି
ଜାତିସଂଘ ଶିକ୍ଷା,ବିଜ୍ଞାନ, ସଂସ୍କୃତି
ପରିଷଦର ସେ ସଭାପତି ॥
ରାଷ୍ଟ୍ରପତି ପଦ ଅଳଙ୍କୃତ
ନିଦ୍ୱନ୍ଦ୍ୱରେ ହୋଇ ନିର୍ବାଚିତ
ଭାରତୀୟ ନୀତି,ଆଦର୍ଶ,ସଂସ୍କୃତି
ପ୍ରଚାର କରି ସେ ହେଲେ ଖ୍ୟାତ ॥
ଗୁରୁ,ଗୁରୁଜନ, ଶିକ୍ଷାବିତ୍
ଜନ୍ମଦିନ କଲେ ସମର୍ପିତ
ଗୁରୁଦିବସରେ ଗୁରୁଙ୍କ ପୟରେ
କରୁଅଛି ଆଜି ପ୍ରଣିପାତ ॥