ମନ ଲଗାଇ ପଢିବା

ପରୀକ୍ଷା ରହିଲା ଅଳପ ଦିନ ମୋ

ବହି ହୋଇନାହିଁ ଖୋଲା

ମେଟ୍ରିକ ପରୀକ୍ଷା ନାମ ଶୁଣୁଶୁଣୁ

ମାରିଯାଏ ମୋତେ ଝୋଲା ।

କେମିତି ଡେଇଁବି ପରୀକ୍ଷାର ଘାଟି

ଭାବି ମୁଁ ହୁଏ ଛାନିଆ

ନିଜକୁ ଧିକ୍କାରେ ପାଠ ନ ପଢି ମୁଁ

କାହିଁ ହେଲି ଅମାନିଆ ।

ସାଙ୍ଗସାଥୀ ମେଳେ ମଜା ଗପ କରି

ସମୟ ଦେଲି ମୁଁ କାଟି

ପିତାମାତା ଗୁରୁ କଥାକୁ ନ ମାନି

ଜୀବନକୁ କଲି ମାଟି ।

ଅନଲାଇନରେ ପଢିବା ନାମରେ

ଖେଳାଖେଳି କରିକରି

ସମୟର କଲି ଅପବ୍ୟବହାର

ମୋବାଇଲ ଫୋନ ଧରି ।

ଯେଉଁ ବହିର ମୁଁ ପୃଷ୍ଠା ଓଲଟାଏ

ଲାଗେ ମୋତେ ନୂଆନୂଆ

ସବୁ ପାଠ ମୋତେ ଲାଗେ ଭାରି କଷ୍ଟ

ଆଖିରୁ ବାହାରେ ନିଆଁ ।

ମୋ ପରିକା ଭୁଲ କରିବାନି କେହି

ମନ ଲଗାଇ ପଢିବା

ଆମ ଭବିଷ୍ୟତ ଆମରି ହାତରେ

ଭଲ ଭାବରେ ଗଢିବା ।