ସୁଭଦ୍ରା ସ୍ତୁତି

 କୁସୁମ କାଞ୍ଚନେ ବିଭୂଷିତା ଭଗ୍ନୀ

           ଭଦ୍ରା ସୁଭଦ୍ରା ସୁମୁଖୀ

     ଦୁଇ ଭାଈ ମଧ୍ୟେ ଇନ୍ଦୀବର ନେତ୍ରୀ

          ବନ ହଳଦିଆ ମୁଖି l

     ଜଗାବଳିଆଙ୍କ ଗେହ୍ଲା ଭଉଣୀସେ

            ହସୁ ଥାଇ ଖିଲି ଖିଲି

     ଦ୍ୱାପର ଯୁଗରେ ଯୋଗମାୟା ରୂପେ

           କେତେ ଲୀଳା ମୁହିଁ କଲି l

      ଦୁଇ ଭାଇଙ୍କର ଗେହ୍ଲା ଭଉଣୀକୁ

            ଲକ୍ଷ୍ମୀ ନ ପାରନ୍ତି ସହି

     ଅଲାଜୁକି ଟାଏ ଫୁଲେଇ ହେଉଛି

           ଲାଜ ସରମ ଟିକେ ନାହିଁ l

    ଯୋଗମାୟା ମାଆ ଅଯୋନି ସମ୍ଭୁତା

           ଏକାନଂସା ଆଦ୍ୟା ଶକ୍ତି

     ମହାପ୍ରଭୁଙ୍କର ସେ ଆଜ୍ଞା କାରିଣୀ

            ଅପରେ ସେ ଆଜ୍ଞା ଦାତ୍ରୀ l

     ଭକ୍ତ ବାଞ୍ଛାଫଳ ପ୍ରଦାନକାରିଣୀ ଦେବୀ

           ତ୍ରୈଲୋକ୍ୟ ମୋହିନୀ

     ଭଜେ ସଦା ତଵ ପାଦେ ମା ସୁଭଦ୍ରା

            ସର୍ବ ପାତକ ହାରିଣୀ ।