ଏବେ ହୋ ଭାଇ ପୁଷମାସ

    ଏବେ ହୋ ଭାଇ ପୁଷମାସ   
      ==============
ଶେଷ ହୋଇଲା ମାର୍ଗଶିର ।
         କମଳା ଗଲେ ବାପଘର ।।
ଏବେ ହୋ ଭାଇ ପୁଷମାସ ।
         ସଜାଡ଼ି ରଖ ଶୀତ ବାସ ।।
ମାଡ଼ି ଆସୁଛି ଘୋର ଜାଡ଼ ।
       ଥରାଇ ଦେବ ହାଡ଼ ଗୋଡ଼।।
ପାଚିଲାକ୍ଷେତ ଚଷା ଦେଖି ।
        ଆନନ୍ଦେ ହେଉଅଛି ସୁଖି ।।
ଶ୍ରୀକ୍ଷେତ୍ରେ ପ୍ରଭୁ ଶିରିପତି ।
        ବାତ୍ସଲ୍ୟ ଲୀଳା କରୁଛନ୍ତି ।।
ପହିଲି ଭୋଗ ପ୍ରଭାତରେ ।
     ଯଶୋଦା ଭୁଞ୍ଜାନ୍ତି ଆଦରେ ।।
ବରଗଡ଼ରେ ଯାତ୍ରା ହେଲା।
         ମଞ୍ଚାରୁ ପଡ଼ି ମାମୁଁ ମଲା ।।
ରାମ ଗୋବିନ୍ଦ ବନମାଳୀ ।
     ଧନୁ ଭାଙ୍ଗିଲେ ହସ୍ତେ ତୋଳି।।
ପୁଷ୍ପର ଋତୁ ଶୀତ କାଳ।
      ଫୁଟିଲା ନାନା ଜାତି ଫୁଲ ।।
ଗେଣ୍ଡୁ ତରାଟ ସୂର୍ଯ୍ୟମୁଖୀ ।
        ପ୍ରଫୁଲ୍ଲ ହୁଏ ମନ ଦେଖି ।।
ଶାମ୍ବ ଦଶମୀ ସୂର୍ଯ୍ୟ ପୂଜା ।
    ଓଡ଼ିଆ ଘରେ ବାଜେ ବାଜା ।।
ସୂର୍ଯ୍ୟଙ୍କୁ ପୂଜି କୃଷ୍ଣ ପୁତ୍ର ।
   ଶାମ୍ବ ହୋଇଲେ ବ୍ୟାଧି ମୁକ୍ତ ।।
ପୌଷ ପୂର୍ଣ୍ଣିମା ମହାପୁଣ୍ୟ ।
  ଅବଧେ ରାଜା ହେଲେ ରାମ ।।
ଏମନ୍ତେ ପୁଷ ମାସ ଗଲା ।
     ମଘାରେ ମାଘ ପ୍ରବେଶିଲା ।।
ପୂଜା ରଟନ୍ତି ମହାକାଳୀ ।
      ଶ୍ମଶାନ ଦେବୀ ମୁଣ୍ଡମାଳୀ ।।
ସଜ ହୋଇଲେ ବୀଣାପାଣି ।
   ବାଗ୍ଦେଵୀ ବିଦ୍ୟା ଠାକୁରାଣୀ ।।
ପୌଷ ମାଘରେ ଶୀତ ଶେଷ ।
      ଅଗୀ ଜଳିଲା ଗ୍ରାମ ଦେଶ ।।
ବସନ୍ତ ଧରାକୁ ଆସନ୍ତେ ।
       ପିକ କମ୍ପାନ୍ତି କୁହୁ ଗୀତେ ।।
ଦୋଳରେ ଅପାର ଆନନ୍ଦ।
       ବିମାନେ ବୁଲନ୍ତି ଗୋବିନ୍ଦ ।।
ଦୟା ସାଗର ଆଦିକନ୍ଦ ।
       ଉଲ୍ଲାସ ଚିତ୍ତେ ତାଙ୍କୁ ବନ୍ଦ ।।
କରୁଣା ସାଗର ମୁରାରୀ ।
         ଏ ବିଶ୍ୱ ସର୍ଜନା ତାଙ୍କରି ।।
           🙏🙏🙏
               ଅର୍ଜୁନୀ
             -------------
ଅର୍ଜୁନୀ ଚରଣ ବେହେରା
ମୋ - 7693091971