ଚାଲ ଯିବା ଧନୁଯାତ୍ରା ଦେଖି

      ଚାଲ ଯିବା ଧନୁଯାତ୍ରା ଦେଖି
        ==============
ଶୁଣ ଶୁଣ ଶୁଣ ଭାଇ ଶୁଣ ଶୁଣ ଶୁଣ । ମହାରାଜ କଂସ ଦେଇଛନ୍ତି ନିମନ୍ତ୍ରଣ ।।
ଆସ ଆସ ଆସ ଭାଇ ବରଗଡ଼ ଯିବା । ଭୋଜପତିଙ୍କର ଧନୁଉତ୍ସବ ଦେଖିବା ।। ଚାଲିଛି ଶାସନ ମହାରାଜା କଂସଙ୍କର । ହସ୍ତେ ଧରିଯିବା ତାଙ୍କପାଇଁ ଉପହାର ।। ଆସୁଛନ୍ତି ଦେଖିବାକୁ ଗୋପପତି ନନ୍ଦ । ତାଙ୍କସହ ଆସୁଛନ୍ତି ବ୍ରଜ ଗୋପବୃନ୍ଦ ।। ସାଙ୍ଗରେ ଆସୁ ଅଛନ୍ତି କୃଷ୍ଣ ବଳରାମ ।
ତାଙ୍କ କଞ୍ଜପୟରରେ କରିବା ପ୍ରଣାମ ।। ବହୁଦେଶୁ ଆସୁଛନ୍ତି ରାଜା ମହାରାଜା । ଦେଖିବାକୁ କଂସଙ୍କର ଦିବ୍ୟ ଧନୁପୂଜା ।। ଗୋପ ପୂର ଯାଇଛନ୍ତି କଂସର ଡଗର । ବାରତା ଧରି କଂସର ମହାତ୍ମା ଅକ୍ରୁର ।। ସର, ଘୃତ, ଦଧି, ମୁଣ୍ଡା ମୁଣ୍ଡା ବସାଦହି ।
ନନ୍ଦ ଆଣୁଛନ୍ତି ଶତ ଶକଟରେ ନେଇ ।। ମଥୁରାଦାଣ୍ଡରେ ଯିବେ ରାମ ବନମାଳୀ । ସୁଦାମାମାଳି ଖଞ୍ଜିଲା ଚୁଳେ କିଆକଳି ।। ଦାଣ୍ଡରେ ମିଳିଲା ଆସି ତ୍ରିବାଙ୍କ କୁବୁଜା । ଚନ୍ଦନ ପିନ୍ଧିଲେ ପ୍ରଭୁ ସଳଖିଲେ ଖଞ୍ଜା ।। ଚାଲ ଚାଲ ପ୍ରଭୁଙ୍କର ଦେଖି ଲୀଳାମାନ । ପବିତ୍ର କରିବା ହେଳେ ଏ ଚର୍ମ ନୟନ ।। ଏମନ୍ତେ ଏମନ୍ତ ଭାଇ ଧନୁଯାତ୍ରା ଶେଷ । ଧରଣୀଉଶ୍ୱାସ ମଲା ଦୁରାଚାରୀ କଂସ ।। ଜୟ ରାମ କୃଷ୍ଣ, ଜୟ ଜୟ କୃଷ୍ଣ ହଳୀ । ଦୟା ରଖିଥାନ୍ତୁ, ପ୍ରଭୁ ରାମ ବନମାଳୀ ।।   
             🙏🙏🙏
                ଅର୍ଜୁନୀ
              ------------
ଅର୍ଜୁନୀ ଚରଣ ବେହେରା
ମୋ -7693091971