ସ୍ଵପ୍ନ

ନିଠୁର ଜୀବନ ନୁହଁଇ ମୋହର

ନିରୁତା ଶତ ପ୍ରତିଶତ ସତ୍ଯ

ସ୍ବପ୍ନେ ଜୀଏଁ ମୁହିଁ ସ୍ବପ୍ନ ମୋର

ଏକା ବଞ୍ଚିବାର ଉପଲକ୍ଷ୍ଯ।

ଆଖିରେ ମୋହର ଅସୁମାରି

ସ୍ବପ୍ନର ଉତ୍ତାଳ ଜୁଆର

ମନରେ ତ ମୋର ଅସମାହିତ

ପ୍ରଶ୍ନର ଅସରା ଭଣ୍ଡାର।

ସତ୍ୟ ଓ ସ୍ବପ୍ନର ବିରୋଧାଭାଷରେ

ସଦା ଖୋଜେ ମୁଁ ଉତ୍ତର

ଜୀବନର ସବୁ ଗୁଢ଼ ରହସ୍ୟର

କରିବା ପାଇଁକି ନୂଆ ଅବିଷ୍କାର।

ଖିଆଲି ମନ ମୋର ମାନେ ହାର

ପାଣ୍ଡୁର ବାସ୍ତବତାର ପାଶରେ

ଯେବେ ନମିଳଇ ଇଚ୍ଛିତ ଉତ୍ତର

ବେଦନାରେ ବ୍ୟଥିତ ହୁଅଇ ଅନ୍ତର।

ଯେବେ ଠାରୁ ମୁହିଁ ନେଇଛି ଶିଖି

ଜୀଇଁବାର କଳା ସ୍ବପ୍ନ ସହିତ

ସେବେଠୁ ଜୀବନେ ମୋହର ଭରିଛି

ଦୁନିଆର ସବୁ ଖୁସି ଅଫୁରନ୍ତ।