ସପନ

ଅବିରତ ଚାଲିଛି ସମୟ ରୀତି

ଅତୀତ ବର୍ତ୍ତମାନ ଭବିଷ୍ୟ ନୀତି |୧|

ଅତୀତ ଫେରେନି ଜାଣ କେବେ

ଭାବି ଚିନ୍ତି ସରବ କାମ କରିବେ |୨|

ସପନ ରହିଛି ରହିବ ରହିଥିବ

ସବୁ ସପନ ତ ହେବନି ସମ୍ଭବ |୩|

କିଛି ସ୍ୱପ୍ନ ଭୟଙ୍କର କନ୍ଦାଇ ଥାଏ

କିଛି ସ୍ୱପ୍ନ ବି ଆମକୁ ଜଗାଇ ଥାଏ |୪|

କିଛି ସପନ ବି ଅତ୍ୟନ୍ତ ବିସ୍ମୟକର

ମଣିଷକୁ ହସାଏ ସପନ ବିହ୍ୱଳ ଭାବର |୫|

ସ୍ୱପ୍ନ କାଳେ କାଳେ ଅଟେ କ୍ଷଣସ୍ଥାୟୀ  

ସମୟ ଗରଭେ କିଛି ଯାଏ ଉଭେଇ |୬|

କିଛି ସ୍ୱପ୍ନ ରହିଯାଏ ତ ସପନରେ  

ଭାସିଯାଏ ସମୟ ସୁଅ ଧାରରେ |୭|

ଅତୀତେ ବିତିଯାଇଥିବା ସପନ 

ଅଫେରା ଫେରିବନି ଆଉ ଜାଣ |୮|

ତେବେ ହୃଦୟେ ଜଗାଇ ମୋହ

ଭାବିଲେ ଦୁଃଖ ଦୂର ହେବ କି କୁହ |୯|

ସ୍ଥିତପ୍ରଜ୍ଞ ଯଦି ରହିବ ସବୁ ସମୟ ତ

ସପନ ଅପୂରଣରେ ନହେବ ଦୁଃଖିତ |୧୦|