ଖେଳ ସେହି ରଙ୍ଗ

ଢ଼ାଳୁଛ ଯଦି ଢ଼ାଳି ଦିଅ

ଶାନ୍ତି ସୌହାର୍ଦ୍ଦର ପ୍ରେମ ରଙ୍ଗ

ସୁଝି ଯିବ ରାଗ ବାଗ ।

ଖେଳୁଛ ଯଦି ଖେଳି ଚାଲ

ଭାଇଚାରା ପ୍ରେମ ରଙ୍ଗ

ବିପଦେ ମିଳିବ ସାଙ୍ଗ ।

ମାରୁଛ ଯଦି ମାରି ଦିଅ

ମନରୁ ହୋଲିକା କୁରଙ୍ଗ

ଷଡ ରିପୁ ହୋଇବ ତ୍ୟାଗ ।

ବୋଳୁଛ ଯଦି ବୋଳି ଦିଅ

ରାମ - କୃଷ୍ଣ ପ୍ରେମ ରଙ୍ଗ

ହୃଦେ ବସିବ ସତସଙ୍ଗ ।

ଲେସୁଛ ଯଦି ଲେସି ଦିଅ

ଧର୍ମ ସଂସ୍କୃତିର ପ୍ରେମ ରଙ୍ଗ

ଧରା ହୋଇବ ଜଗମଗ ।

ମାଖୁଛ ଯଦି ମାଖି ଚାଲ

ଦେଶ ପ୍ରୀତି ପ୍ରେମ ରଙ୍ଗ

ମା ଭାରତୀ ହୋଇବ ଭୂସ୍ୱର୍ଗ ।

ଖେଳ ସେହି ରଙ୍ଗ

କେବଳ ସେହି ରଙ୍ଗ ।।