ସ୍ବାଧୀନତାର ଜନ୍ମଦିନ

ଦେଉଥିଲେ ଅନ୍ୟକୁ କଷଣ

ହେବନି କେବେ ପୂରଣ

ଆମ ବୀର ସଂଗ୍ରାମୀଙ୍କ ସପନ..

ଆସ ଯୋଡ଼ି ଦେବା

ମନ ପ୍ରାଣେ

ସ୍ନେହ ଓ ପ୍ରେମର ବନ୍ଧନ ।

କରୁଥିଲେ ଅନ୍ୟକୁ ଶୋଷଣ

ହେବନି କେବେ ପୂରଣ

ଆମ ବୀର ସଂଗ୍ରାମୀଙ୍କ ସପନ..

ଆସ ସ୍ବାର୍ଥ ଛାଡି

ମାଖି ଦେବା

ଭାତୃତାର ଶ୍ରଦ୍ଧା ଚନ୍ଦନ ।

ମାରୁଥିଲେ ମୂଲ୍ୟହୀନ ଭାଷଣ

ହେବନି କେବେ ପୂରଣ

ଆମ ବୀର ସଂଗ୍ରାମୀଙ୍କ ସପନ...

ଆସ କାନ୍ଧ ଭିଡ଼ି

କରି ଯିବା

ଦେଶ ପାଇଁ ସଚ୍ଚା କରମ ।

କରୁଥିଲେ ଅନ୍ୟାୟର ବର୍ଷଣ

ହେବନି କେବେ ପୂରଣ

ଆମ ବୀର ସଂଗ୍ରାମୀଙ୍କ ସପନ..

ଆସ ଦମ୍ଭ କରି

ଉଠେଇବା 

ବିରୋଧ ର ସ୍ୱର କମ୍ପନ ।

ହେଉଥିଲେ ହୀନ କୁ ଶାସନ

ହେବନି କେବେ ପୂରଣ 

ଆମ ବୀର ସଂଗ୍ରାମୀଙ୍କ ସପନ..

ଆସ ହେଇ ଏକ ମନ

ହକ ମାଗିନେବା

କରି ନ୍ୟାର୍ଯ୍ୟ ଦାବି ଉତ୍ଥାନ ।

ଜଗେଇଲେ ଦେଶ ଜାତି ପ୍ରେମ

ହୋଇବ ନିଶ୍ଚେ ପୂରଣ

ଆମ ବୀର ସଂଗ୍ରାମୀଙ୍କ ସପନ..

ତେବେ ହେବ ସାର୍ଥକ

ଆମ ଏହି

ସ୍ବାଧୀନତାର ଜନ୍ମଦିନ ।