ତୁମରି ନାମରେ ତୁମେ

ଜ ଜନମରେ ତୁମ୍ଭେ ମରଣରେ ତୁମ୍ଭେ

   ତୁମ୍ଭ ହାତେ ଭାଗ୍ୟ ଲେଖା

  ଆଶା ଅପେକ୍ଷାରେ ଅଛି ନିରନ୍ତରେ

   କେବେ ହେବ ତୁମ୍ଭ ଦେଖା ।

ଗ ଗଢି ଅଛ ସୃଷ୍ଟିକୁ ପୂର୍ଣ୍ଣ କରି ପ୍ରଭୁ

    ନିଜେ ଅସମ୍ପୂର୍ଣ୍ଣ ରହି

  ପାଳୁଛ ତାରୁଛ କେମିତି ପ୍ରଭୁ ହେ

    ଅଧା ହାତ ଗୋଡ ନେଇ ।

ତ  ତବ ଚକା ଆଖି ନିଏ ମନ ଝିଙ୍କି

   ସତେ ହୃଦ ଚୁମ୍ବକ ସେହି

  ହେ ନାଥ କହି ହାତ ଟେକିଦେଲେ

   ଛାଏଁ ଭାବାଶ୍ରୁ ଯାଏ ବୋହି ।

ନା  ନାବ ବି ନଈ ବି ଅଟ ପରା ତୁମ୍ଭେ

   ହେ ମୋର କଳା ନାଉରୀ

  ଅକାତ କାତ ରେ ସାହା ହେଉଥିବ

   ଚାଲେ ଭକ୍ତିର ଆହୁଲା ମାରି ।

ଥ  ଥକା ମନ ମୋର ଥକି ଯାଉ ପ୍ରଭୁ

   ଚକା ଆଖି ତୁମ୍ଭ ଚାହିଁ ଚାହିଁ

  ଶେଷ ଇଚ୍ଛା ଖାଲି ଶେଷ ସମୟରେ

   ଥିବ ଶେଷ କଣ୍ଠଶବ୍ଦ ହେଇ ।