ଏକ ସୂତା: ଅନେକ କଥା

ଏକ ସୂତା-ଥାଏ ନିହିତ ଦିବ୍ୟତା

ଜଗା ହାତେ ସୁଭଦ୍ରା,

ବାନ୍ଧି ଦିଏ ରାକ୍ଷୀ,ମାନି ସୃଷ୍ଟିକର୍ତ୍ତା ।

ଏକ ସୂତା-କରେ ଜଗତଜିତା

ଭଉଣୀର ଯଶ ପାଇଁ,

ଭାଇ ନେଇପାରେ ଅସାଧ୍ୟ ନ୍ଵତା।

ଏକ ସୂତା-ବାନ୍ଧେ ବିଶ୍ୱାସ ବତା 

ଭଉଣୀର ବିପଦରେ,

ଭାଇ ସାଜିପାରେ ପାହାଡ ଛତା।

ଏକ ସୂତା-ଗଢେ ଭରଷା ରାସ୍ତା

ଭଉଣୀର ଖୁସି ପାଇଁ,

ଭାଇ ଦେଇପାରେ ନିଜର ମଥା।

ଏକ ସୂତା-କହେ ସ୍ନେହପ୍ରେମ କଥା

ଯୁଗ ଯୁଗ ଜନ୍ମ ପାଇଁ,

ରହିଯାଏ ଭାଇ - ଭଉଣୀର ସତ୍ତା।

ଏକ ସୂତା-ଲେଖେ ଆଶାର କବିତା

ଭଉଣୀ ର ଭଲ ପାଇଁ,

ନୂଆ କିରଣ ଟି ହେଇପାରେ ଭ୍ରାତା।

ଏକ ସୂତା-ଦିଏ ସମର୍ପଣର ବାର୍ତ୍ତା

ଜଣଙ୍କର ଆଘାତରେ,

ଆଉ ଜଣେ ପାଇ ଥାଏ ବ୍ୟଥା।

 

ଏକ ସୂତା- ଗାଏ ଅନୁକୂଳ ଗାଥା

ଭାଇର ଶୁଭ ମନାସି ଭଉଣୀ,

କରୁଥାଏ କେତେ ବ୍ରତ ଓ ଚିନ୍ତା ।

ଏକ ସୂତା-ସାଜିଥାଏ ରକ୍ଷା କରତା 

ସବୁ ସମୟର କବଚ ଭାଇଟି,

ଭଉଣୀକୁ ଦିଏ ଗଢି ଉତ୍ତମ ଦୁହିତା।

ଏକ ସୂତା-ଅଟେ ବଡ଼ ଗୁଣବତ୍ତା 

ଭ୍ରାତା ଭଗିନୀ ସ୍ନେହ ପାଶେ,

ସବୁ ଧନ ରତ୍ନ ମଣି ଲାଗଇ ପିତା।

ଏକ ସୂତା-ଯେବେ ହୁଏ ରାକ୍ଷୀ ଫିତା

ଯୋଡ଼ି ଦିଏ ଯୁଗ ଜନ୍ମ ପାଇଁ,

ଭାଇ ଭଉଣୀର ଏହି ପବିତ୍ର ରିସ୍ତା ।

ସେହି ସୂତା,

କହେ ରକ୍ଷା ବନ୍ଧନର କଥା

ଗାଏ ସନାତନ ର ଗାଥା

ବାସ୍ତବିକ ଅଟେ ମହାନତା ।।