ସଫଳତା ଥରେ ମିଳିଗଲେ

ସଫଳତା ଥରେ ମିଳିଗଲେ ତାହା ହୁଏନାହିଁ ଚିରସ୍ଥାୟୀ,

ବିଫଳତା ପୁଣି ଶେଷଫଳ ନୁହେଁ ଓଲଟି ପାରିବ ସେହି ।

ଲାଗି ରହିଥିଲେ ନିଷ୍ଠା-ପ୍ରେମ ଥିଲେ କରିଥିଲେ ଶ୍ରମଦାନ,

କଦାପି ଅଯଥା ଯିବନାହିଁ ଫଳ ଯାଉପଛେ କିଛିଦିନ ।

ଆଜି ଯେ ଜିତିଛି କାଲି ହାରିପାରେ ପ୍ରଥମ ବି ହୁଏ ଶେଷ,

ଜିତିବା ରେକର୍ଡ ଭାଙ୍ଗିପାରେ କେହି କାନ୍ଦ ଦେଇପାରେ ହସ ।

ବିପଦ ଆସିବା ନୂଆକଥା ନୁହେଁ ଆସୁଥିବ ଯାଉଥିବ,

ସମ୍ପଦ ସେମିତି ବଢିବ କମିବ ଅତିବେଶି ପ୍ରାଣ ନେବ ।

ଅନ୍ଧାର ଥିବାରୁ ଆଲୋକ ସୁନ୍ଦର ତାରାଦିଶେ ଆକାଶରେ,

ଦୁଃଖ ପଛେ ପଛେ ସୁଖ ଆସିଥାଏ ମିଛରେ ମଣିଷ ଡରେ ।

ହଜିଲା ଦରବ ମିଳିବାର ସୁଖ ଆଉ ବା କେଉଁଠୁ ମିଳେ?

ହସି ହସାଇବା ଲୋକକୁ ଦେଖିଲେ ତା' ଆଡ଼କୁ ମନ ଢଳେ ।