ସଫେଇ ଭାଇ

ସଫେଇ ଭାଇରେ ସଫେଇ ଭାଇ 

ଖରା ବରଷା କୁ ଖାତର ନାହିଁ।

ଅଳିଆ ଆବର୍ଜନା ସବୁ ଗୋଟାଇ 

ମୁଣ୍ଡ ଝାଳ ତୋର ତୁଣ୍ଡରେ ଯାଇ।

    "ସଫେଇ ଭାଇରେ ସଫେଇ ଭାଇ "

ଘୃଣା କରୁଥାନ୍ତି କିଛି ଜନତା 

ଜଣା ନାହିଁ ତାଙ୍କୁ ସୁଖରେ ରହି 

ଉଲଂଘନ କରନ୍ତି ସବୁ ବ୍ୟବସ୍ଥା 

ସୁଗନ୍ଧ ଦୁର୍ଗନ୍ଧ ଅତି ଆପଣାର 

ଖୁସି ଖୁସି ସଫା କାର୍ଯ୍ୟ ଆପଣାଇ

ପରିବେଶ ଟିକୁ କରନ୍ତି ସ୍ବଚ୍ଛ 

ଆରାମରେ ଆମେ ରହିବା ପାଇଁ ।

    "ସଫେଇ ଭାଇରେ ସଫେଇ ଭାଇ"

ଜୟ ଜବାନ,ଜୟ କିଷାନ 

ମିଳିଥାଉ ସଦା ଏହି ସମ୍ମାନ 

ସଫେଇ ଭାଇଙ୍କ ବଢ଼ିବ ମାନ।

ସହଯୋଗ ର ହାତ ବଢାଇ

ବାଟ,ଆମେ ତାଙ୍କୁ ଦେବା କଡାଇ 

   " ସଫେଇ ଭାଇରେ ସଫେଇ ଭାଇ" ।

ସକାଳ ପହରୁ ଦାଣ୍ଡ ଦୁଆରେ 

ହାତେ ପିନ୍ଧିଥାନ୍ତି ଗ୍ଲୋବସ୍ ପୋଷାକ 

ହୁଇସିଲ୍ ମାରି, ବେଲ୍ ମାରି

ପହରା ଦିଅନ୍ତି ଅଳିଆ ଗୋଟାଇ।

 "ସଫେଇ ଭାଇରେ ସଫେଇ ଭାଇ" ।

ସଲାମ କରୁ ନେତା ମନ୍ତ୍ରୀଙ୍କୁ 

ରକତ ସବୁ ଶୋଷି ଖାଆନ୍ତି 

ସଫା ସୁତୁରା ର ବାର୍ତ୍ତା ଦେଇ

ସଭା ସମିତି ରେ ଅଳିଆ ଥୋଇ।

 "ସଫେଇ ଭାଇରେ ସଫେଇ ଭାଇ" । 

ସଫେଇ ଭାଇ ବନ୍ଧୁ ଆମର 

ତିଳେ ମାତ୍ର ତାଙ୍କ ନାହିଁ ଖାତର 

ଫୁଲ ତୋଡା କେବେ ଚାହାଁନ୍ତି ନାହିଁ 

ବାହା ବାହା କେବେ ଶୁଣନ୍ତି ନାହିଁ 

        ତଥାପି ,ନିତ୍ୟ ସମାଜ ସେବାରେ 

         ମନ ଦିଅନ୍ତି।

ଧନ୍ୟ ତୁମେ ଆମ ସଫେଇ ଭାଇ।