ଶେଷ ଡାକରା
ଶେଷ ଡାକରା
ବିଷୟ ବସ୍ତୁ :-କେହି ରହିନାହିଁ ରହିବେ ନାହିଁଟି ଏ ଭବରଙ୍ଗ ଭୂମି ତଳେ...
- ପାର୍ବତୀ କବିବର ରାଧାନାଥ ରାୟ
ଏ ଶୁଣୁଛ
ସୂର୍ଯ୍ୟ ନଇଁ ଆସିଲାଣି ,
ତା କିରଣ କାହିଁକି ଆଜି ଏମିତି ଲାଗୁଛି
ଏକ ମାଦକ ସ୍ପର୍ଶରେ ,
ବଡ ପୁଅ ଅଛି କାହିଁ କେତେ ଦୂରରେ ,
ଟିକେ ପୁଅ କୁ ଖବର ଦିଅନ୍ତନି ,
ଆଜି କାହିଁକି ଦେଖିବାକୁ ବହୁତ ଇଛା ହେଉଛି ,
ସାନ ପୁଅ ତ ଏଇ ପାଖରେ ଅଛି
ହେଲେ ମାସେ ଦୁଇ ମାସେ ଥରେ ଆସୁଛି
ବହୁତ ବ୍ୟସ୍ତ ବୋଲି କହୁଛି ,
ତାକୁ ବି ଟିକେ ଖବର ଦିଅନ୍ତଣି
କାହିଁକି କେଜାଣି ଏ ଗୋଧୂଳି ଆଖି ଟା
କୋହ ସମ୍ବରଣ କରିପାରୁନି ,
ଝିଅ ସମ୍ପତ୍ତି ପାଇଁ ଅଭିମାନ କରିଛି
ଟିକେ ଖବର ଦିଅ
ଝିଅ,ଜ୍ୱାଇଁକୁ ଦେଖିବାକୁ ମନ ବହୁତ ଉଚ୍ଛନ୍ନ ହେଉଛି ll
ଏ ଶୁଣୁଛ.........
ସୂର୍ଯ୍ୟ ଅସ୍ତ ହେବାକୁ ବସିଲାଣି ,
ଜାଣିଛି କେହି ବି ଆସିବେନି ,
ତମେ ନିଜ ଯତ୍ନ ନେବ
ଔଷଧ ଠିକ ସମୟ ରେ ଖାଇବ
ମୋତେ ଝୁରିବନି ,
ଝିଅ ପୁଅକୁ ସମ୍ପତ୍ତି ଭାଗ କରିଦେଇ
ତାଙ୍କ ପାଖକୁ ଚାଲିଯିବ ,
କାଳିଆ ଠାକୁରଙ୍କୁ ଡାକି ଚାଲିବ ll
ଜାଣିଛି ଦୁନିଆଟା ସ୍ୱାର୍ଥପର
କେହି ନୁହଁ କାହାର
ସବୁ ଟଙ୍କା ସମ୍ପତ୍ତିର
ଜାଣିଛି ଲୋ କୁନା ବାପା
ଅଢେଇ ଦିନିଆ ଜୀବନ ଏ
କେହି ରହିବେନି ଏଠି
ଆଜି ନହେଲେ କାଲି
ସଭିଙ୍କ ପାଳି ପଡିବ ସେଠି
ତେବେ କାହିଁକି ଏ ମାନ ଅଭିମାନ
କାହିଁକି ଏ ଅନ୍ୟାୟ ଅନୀତି ll
ଏ ........
ମୋ ଦେହ କଣ ହେଇଯାଉଛି ,
ମନ ବିଚଳିତ ହେଇ ଯାଉଛି ,
ମୋତେ ଟିକେ ତମ କୋଳରେ ଶୁଏଇ ଦିଅନ୍ତନି ,
କୁନା ବାପା ଲୋ .......
ବିଦାୟ ବେଳ ହେଇଗଲାଣି
ମୋର ଶେଷ ଡାକରା ଆସିଲାଣି ll