ଶ୍ରମିକ ଆମେରେ ଶ୍ରମିକ ଆମେ
ଶ୍ରମିକ ଆମେରେ ଶ୍ରମିକ ଆମେ
ଶ୍ରମିକ ଆମେରେ ଶ୍ରମିକ ଆମେ
ବିଶ୍ବ ନିର୍ମାଣର ବିନ୍ଧାଣୀ ଆମେ |
କଳ କାରଖାନା ନିର୍ମାଣ କରି
ତାକୁ ଚାଲୁ ରଖୁ ହେଳା ନ କରି |
ହାତରେ ସ୍ପାନର ରେଞ୍ଚାଦି ଧରି
ମୋଟର ଗାଡିକୁ ଦେଉ ସଜାଡି|
ଜଳ ସ୍ଥଳ ବାୟୁ ସକଳ ପଥେ
ଯାନ ବ୍ୟୋମଯାନ ଆମରି ହାତେ|
ରାସ୍ତା ଘାଟ ପୋଲ ନଳା ପୋଖରୀ
ନଦୀବନ୍ଧ ଅବା ଯନ୍ତ୍ର ତିଆରି |
ଘର କୋଠାବାଡି ସର୍ବ ନିର୍ମାଣ
ଆମରି ଶ୍ରମରେ ହୁଏ ସମ୍ପାଦନ |
ନର୍ସ ରୂପେ ଆମେ ସେବା କରିଣ
ସଭିଙ୍କର କରୁ ରୋଗ ନିଦାନ |
ରାଷ୍ଟ୍ରର ନିର୍ମାଣେ ଆମ ଭୂମିକା
ପ୍ରମୁଖ ହେଲେ ବି ହେଉ ଅଦେଖା |
ରାସ୍ତା ଘାଟ ନଳା ଅଫିସ ଘର
ଆମ ଦ୍ୱାରା ରହେ ସଫା ସୁତର |
ବିଲରେ ବୁହାଇ ଦେହରୁ ଝାଳ
ଉପୁଜାଉ ଆମେ ସୁନା ଫସଲ |
ସର୍ବେ ବିଶ୍ୱବାସୀ ତୁଣ୍ଡକୁ ଅନ୍ନ
ଆମ ଯୋଗୁଁ ଖାଦ୍ୟ ବସ୍ତ୍ର ଯୋଗାଣ |
ଏତେ ଥିଲେ ମଧ୍ୟ ଆମରି ଦାନ
ସବୁଠାରେ ଆମେ ତ ହୀନିମାନ ||
ପାଉଣା ଆମର ଅତି ନଗଣ୍ୟ
ଆମ୍ଭପରେ ଚାଲେ ନିତି ଶୋଷଣ |
ମଇ ଦିବସରେ କରୁ ନିବେଦନ
ବନ୍ଦ କର ତୁମେ ଆମ ଶୋଷଣ ||