ଗୁରୁ ଦକ୍ଷିଣା

ଗୁରୁ ଦେବ ବ୍ରହ୍ମା ଗୁରୁ ମହାବିଷ୍ଣୁ

ଗୁରୁ ସାକ୍ଷାତ ଈଶ୍ୱର

ଗୁରୁ ଦିବ୍ୟ ଦୃଷ୍ଟି ଗୁରୁ ବିଦ୍ୟା ବୁଦ୍ଧି

ଗୁରୁ ଜ୍ଞାନ ସୂତ୍ରଧର ।

ଗୁରୁ ସୁସଂସ୍କାର ପଥ ପ୍ରଦର୍ଶକ

ଗୁରୁ ଜୀବନ ଆଦର୍ଶ

ଗୁରୁଙ୍କ ପ୍ରସାଦ ସୁପ୍ରତିଷ୍ଠା ଯଶ

କର୍ମ ସଫଳ ସାର୍ଥକ ।

ଗୁରୁଙ୍କ ସମ୍ମାନ ସନ୍ତୋଷ ବିଧାନ

ଧନ୍ୟବାଦ କରଣୀୟ

ଆମ ପରମ୍ପରା ବେଦ ଗୁରୁକୁଳେ

ଗୁରୁ ଶ୍ରେଷ୍ଠ ବରଣୀୟ ।

ଆପଣା ସାମର୍ଥେ ସମର୍ପଇ ଶିଷ୍ୟ

ଗୁରୁଙ୍କୁ ଦକ୍ଷିଣା ଧାର୍ଯ୍ୟ

ଅର୍ଥ ଅଳଙ୍କାର ବୃତ୍ତି ଭୂମି ଦାନ

ହେଉ ବା ସ୍ୱତନ୍ତ୍ର କାର୍ଯ୍ୟ ।

ଏକଲବ୍ୟ ଗାଥା ଉଜ୍ଜ୍ୱଳ ଦୃଷ୍ଟାନ୍ତ

ବିତରେ ସୁମତି ଜ୍ଞାନ

ଅବାଧିତ ଅଟେ ଜ୍ଞାନର ଭଣ୍ଡାର

ସାଧନୁ ଲକ୍ଷ୍ୟ ସୁଜନ ।

  ------+-----