ସମୟ ସ୍ରୋତରେ
ସମୟ ସ୍ରୋତରେ
ସମୟ ସ୍ରୋତରେ ଏ ଜୀବନ ଖେଳେ
ଭାସିଯିବ କେତେବେଳେ.
ହରିନାମ ସମ କୁଟା ଖିଅ ଖଣ୍ଡି
ଗଣ୍ଠିଧନ ସେତେବେଳେ.
ପ୍ରଭୁ ଜାଣୁଛ ତ ଅନ୍ତରାଳେ. l0l
ସମୟ ତ ପ୍ରଭୁ ବିରାଜିତ ବିଭୁ
ହାରିବା ଜାତକେ ନାହିଁ.
ହରାଏ ସଭିଙ୍କୁ କାଳର ସ୍ରୋତରେ
ପରଖି ପାପର ଦେହୀ.
ପାପ ବିରଚନା କରି ସେ କଳନା
ଲେଖିଥାଏ ସେ କପାଳେ. l1l
ଦୁଇ ସମ ଜ୍ୟୋତି ଘୁରେ ଚଉକତି
ପାପ ଓ ପୂଣ୍ୟର ପଥ.
ପୂଣ୍ୟର ପଥ ଆଦରି ନେଲେଟି
ସାହା ହେବେ ଜଗନ୍ନାଥ.
ସବୁ ଚଲାପଥ ହେବ କୁସୁମିତ
ଦୁଃଖ ଯିବ ଅବହେଳେ. l2l