ସଂନ୍ଧ୍ଯା ଆଳତୀ

ଦିନଯାକ ତ ଗଲାଣି ମୋର

ସଂସାର ସଉଦା କରି

ଜୀବନ ସଂନ୍ଧ୍ୟା ଆସିଲା ଦେଖ

ନଜାଣେ ସଂନ୍ଧ୍ୟା ଆଳତି ।

ବାଟେ ଅବାଟେ ଭଲମନ୍ଦରେ

ଦିନ ମୋ ଗଲା ବିତି

ଜାଣିଲି ଯେବେ ତୁମକୁ ପ୍ରଭୁ

କରିବି ସଂନ୍ଧ୍ୟା ଆଳତି ।

ଧୃତରାଷ୍ଟ୍ର ମୁଁ ଧର୍ମ ଅଧର୍ମ 

ପାରିଲି ନାହିଁ ଜାଣି

ଖଳଶକୁନି ଖେଳେ ମୋ ସାଥେ

ପ୍ରଭୁପ୍ରେମ ଗଲି ଭୂଲି ।

ବିଷୟାରସେ ମନ ମୋ ମଗ୍ନ

ସଂସାରରେ ପଥ ହୁଡି

ଭୂଲିଲି ପ୍ରଭୁ ମୁଁ ଅଧମ

ମାୟା ସଂସାରରେ ପଡି ।

ଏବେ ଜାଣିଲି ଆଖି ଖୋଲିଲା

ତୁମେ ହିଁ ଚିରସତ୍ୟ

ଘେନ ମୋ ଭକ୍ତି ଦିଅ ହେ ମୁକ୍ତି

ଜନ୍ମମୃତ୍ୟୁ ଜୀବଚକ୍ର ।

ଜାଣେନା ଭାବ ଜାଣେନା ପୂଜା

କିପରି କୁହ ଡାକିବି

ମୋ ପାପପୂଣ୍ୟ ତୁମ ଚରଣେ

ଘେନ ମୋ ସଂନ୍ଧ୍ୟା ଆଳତି।