ସଂକ୍ଷିପ୍ତ ପୃଷ୍ଠା

ଆଜି ସେପ୍ଟେମ୍ବର ମାସର

 ଶେଷ ଦିନ ;

ଲାଗିରହିଛି ଲଘୁଚାପ ଜନିତ

ଲଗାଣ ବର୍ଷା ।

ଅନଲକ୍- ୫ ଘୋଷଣା ;

କିଛି ଲାଘବ ହୋଇଛି 

କୋଭିଡ-କଟକଣା ।

ରାଜ୍ୟରେ ଏଣିକି ହେବ ଆଇନ ଉଲ୍ଲଂଘନ ଦଣ୍ଡବିଧି କଡାକଡି,

ଦୁଇ ବର୍ଷ ଜେଲ ଏବଂ ଏକ ଲକ୍ଷ ଟଙ୍କା ଜୋରିମାନାର ପ୍ରାବଧାନ,

ବିଧାନସଭାରେ ପାରିତ ହେଲା ବିଲ୍ ।

ବ୍ୟତିକ୍ରମ କିନ୍ତୁ ସର୍ବତ୍ର ସ୍ପଷ୍ଟ ।

ରାତି ନ ପାହୁଣୁ

ଆମ ପଡିଶା ଘର ନଡାଛପର

ଏବଂ ଟିଣ ଛାଉଣୀ ଘର ଉପରେ

ଶୁଭୁଚି ଦୁଲଦାଲ୍ ଶବ୍ଦ,

ଡିଆଁ ଡେଇଁ କରୁଛନ୍ତି ବେପରୁଆ

ମାଙ୍କଡ ପଲ,

ନାଁ ଅଛି କାହାକୁ କିଛି ଖାତିର

ବା ଡରଭୟ ।

ଏତେ ବର୍ଷା ଝଡ଼ିରେ ବି ବାଡି ବଗିଚା

ଗଛପତ୍ର,ଫଳ,ପନିପରିବା

ସବୁ କିଛି ସଫା ।

ଅଗଣାର ବାଡବତା, ଆସବାବପତ୍ର ଛିନଛତ୍ର,

ମୁଣ୍ଡ ଉପରେ ଛପରଛାଉଣୀରେ

ଏବେ ଅସଂଖ୍ୟ ଛିଦ୍ର,

ଆତଙ୍କର ଅଭିନବ ହୁଙ୍କାରରେ

ଅତିଷ୍ଠ କୋଣ ଅନୁକୋଣ,

ମାଙ୍କଡ ମାନଙ୍କୁ ଘଉଡେଇବାର ସମସ୍ତ ଉପକ୍ରମ,

ପିଲା କବିଲାଙ୍କ ହୋ ହା

ସବୁ ବ୍ୟର୍ଥ ;

କେବଳ ପଡୋଶୀ ବିଚରା ରାମ ବେହେରା କାହିଁକି 

ଆମେ ସମସ୍ତେ ଆଜି ନିରୂପାୟ ।

  --------------